ലിംകയുടെ വരുമാനത്തില്‍ വന്‍ കുതിപ്പ്; വരുമാനം 2,800 കോടി കടന്നു

നാരങ്ങാ രുചിയുള്ള ശീതളപാനീയമായ ലിംക 2024-ല്‍ 2,800 കോടി രൂപയുടെ വരുമാനം നേടിയതായി കൊക്കകോള ഇന്ത്യ. ലിംക, ഗ്രാമപ്രദേശങ്ങളിലും നഗരപ്രദേശങ്ങളിലും വ്യാപിച്ചതിന്റെ ഫലമാണ് വരുമാന റിപ്പോര്‍ട്ട്.

കൊക്കകോള ബ്രാന്‍ഡ് ഡല്‍ഹി, പഞ്ചാബ്, ഹരിയാന തുടങ്ങിയ പ്രധാന സംസ്ഥാനങ്ങളില്‍ ശക്തമായ ഇരട്ട അക്ക വളര്‍ച്ച കൈവരിക്കുന്നുണ്ട്. കൂടാതെ പരമ്പരാഗത വ്യാപാരത്തിലും വളര്‍ന്നുവരുന്ന റീട്ടെയില്‍ ഫോര്‍മാറ്റുകളിലും പങ്കാളിത്തം നേടുകയും ചെയ്യുന്നതായി കൊക്കകോള ഇന്ത്യ പുറത്തിറക്കിയ പ്രസ്താവനയില്‍ പറയുന്നു.

1971-ല്‍ സ്ഥാപിതമായതുമുതല്‍, കമ്പനിയുടെ തിളങ്ങുന്ന പോര്‍ട്ട്ഫോളിയോ ശക്തിപ്പെടുത്തുന്നതില്‍ ലിംക ഒരു പ്രേരകശക്തിയായിരുന്നു. നഗര, ഗ്രാമ വിപണികളില്‍ ഡിമാന്‍ഡ് കുതിച്ചുയരുന്നതായും അവര്‍ കൂട്ടിച്ചേര്‍ത്തു.

നിലവില്‍, കൊക്കകോളയുടെ ഇന്ത്യയിലെ പോര്‍ട്ട്ഫോളിയോയില്‍ ബില്യണ്‍ ഡോളര്‍ മൂല്യമുള്ള മൂന്ന് ബ്രാന്‍ഡുകളുണ്ട്. തംസ് അപ്പ്, സ്‌പ്രൈറ്റ്, മാസ എന്നിവയാണ് അവ. തംസ് അപ്പ് 2 ബില്യണ്‍ യുഎസ് ഡോളര്‍ മൂല്യമുള്ള ബ്രാന്‍ഡായി ഉടന്‍ മാറും.

1993-ല്‍ അറ്റ്‌ലാന്റ ആസ്ഥാനമായുള്ള കമ്പനി പാര്‍ലെ ബിസ്ലേരിയിലെ രമേശ് ചൗഹാനില്‍ നിന്ന് ഇന്ത്യന്‍ വിപണിയില്‍ വീണ്ടും പ്രവേശിച്ചപ്പോള്‍, മാസ, തംസ് അപ്പ്, ലിംക എന്നിവ കൊക്കകോള കമ്പനി ഏറ്റെടുക്കുകയായിരുന്നു.

ചൗഹാന്‍ സഹോദരന്മാരില്‍ നിന്ന് കൊക്കകോള എയറേറ്റഡ് പാനീയങ്ങളുടെ മുഴുവന്‍ പോര്‍ട്ട്ഫോളിയോയും വാങ്ങി, അതില്‍ ഗോള്‍ഡ് സ്പോട്ട് ഉള്‍പ്പെടുന്നു.

വെല്ലുവിളികളെ നേരിടാനും മാറിക്കൊണ്ടിരിക്കുന്ന വിപണി സാഹചര്യങ്ങളുമായി പൊരുത്തപ്പെടാനുമുള്ള കഴിവ് ലിംകയുടെ പ്രത്യേകതയാണ്. അതിന്റെ തന്ത്രങ്ങള്‍ പുതുക്കാനുള്ള സന്നദ്ധതയും നിലവാരമുള്ള ഉല്‍പ്പന്നങ്ങളും അനുഭവങ്ങളും നല്‍കുന്നതിനുള്ള പ്രതിബദ്ധതയും ലികയുടെ കഥയില്‍ ഇടംനേടുന്നതായി കൊക്കകോള ഇന്ത്യ ഫ്രാഞ്ചൈസി ഓപ്പറേഷന്‍സ് വൈസ് പ്രസിഡന്റ് വിനയ് നായര്‍ പറഞ്ഞു.

ഗ്ലൂക്കോസും ഇലക്ട്രോലൈറ്റുകളും അടങ്ങിയ ഒരു പാനീയമായ ലിംക ഗ്ലൂക്കോചാര്‍ജ് അവര്‍ അവതരിപ്പിച്ചിരുന്നു, അതിന്റെ ലോഞ്ച് കാമ്പെയ്നില്‍ ഒളിമ്പിക് സ്വര്‍ണ്ണ മെഡല്‍ ജേതാവായ നീരജ് ചോപ്രയെ ഉള്‍പ്പെടുത്തിയിരുന്നു.

ഇന്ത്യയില്‍ ഡയറ്റ് കോക്ക്, തംസ് അപ്പ്, ഫാന്റ, ലിംക, സ്‌പ്രൈറ്റ്, മാസ, മിനിറ്റ് മെയ്ഡ് ജ്യൂസുകള്‍, ഹോണസ്റ്റ് ടീ എന്നിവ കൊക്കകോളയുടെ പാനീയ ശ്രേണിയില്‍ ഉള്‍പ്പെടുന്നു.