മികച്ച മണ്‍സൂണ്‍ പഞ്ചസാര ഉല്‍പ്പാദനം വര്‍ധിപ്പിക്കുമെന്ന് റിപ്പോര്‍ട്ട്

മഴക്കാലം അനുകൂലമായാല്‍ ഇന്ത്യയുടെ മൊത്ത പഞ്ചസാര ഉല്‍പ്പാദനം 2025-26 ലെ പഞ്ചസാര സീസണില്‍ 15 ശതമാനം വര്‍ദ്ധിച്ച് 35 ദശലക്ഷം ടണ്ണാകുമെന്ന് ക്രിസില്‍ റേറ്റിംഗ്‌സ് റിപ്പോര്‍ട്ട്. മഹാരാഷ്ട്ര, കര്‍ണാടക തുടങ്ങിയ പ്രധാന പഞ്ചസാര ഉല്‍പ്പാദന സംസ്ഥാനങ്ങളിലെ കരിമ്പ് കൃഷിയുടെ വിസ്തൃതിയും വിളവും വര്‍ദ്ധിക്കുമെന്നും റിപ്പോര്‍ട്ടില്‍ പറഞ്ഞു.

ആഭ്യന്തര വിതരണത്തിലെ പ്രതിസന്ധി ലഘൂകരിക്കാനും എത്തനോള്‍ ഉല്‍പ്പാദനം വര്‍ദ്ധിപ്പിക്കാനും കയറ്റുമതി പുനരുജ്ജീവിപ്പിക്കാനും ഈ വളര്‍ച്ചയ്ക്ക് കഴിയുമെന്നാണ് പ്രതീക്ഷ.

2026 സാമ്പത്തിക വര്‍ഷത്തില്‍, മില്ലുകളുടെ പ്രവര്‍ത്തന ലാഭം ഏകദേശം 9-9.5 ശതമാനമായി വീണ്ടെടുക്കാന്‍ സാധ്യതയുണ്ട്.

കഴിഞ്ഞ രണ്ട് സീസണുകളായി, കരിമ്പിന്റെ വില (എഫ്ആര്‍പി) 11 ശതമാനം ഉയര്‍ന്നിട്ടുണ്ടെങ്കിലും എത്തനോള്‍ വില വലിയതോതില്‍ മാറ്റമില്ലാതെ തുടരുന്നു, ഇത് മില്ലറുടെ വരുമാന-ചെലവ് ചലനാത്മകതയെ ഞെരുക്കുന്നു.

2026 ലെ പഞ്ചസാര സീസണില്‍, എത്തനോളിന്റെ ഉപഭോഗം 4 ദശലക്ഷം ടണ്ണായി ഉയരുമെന്ന് പ്രതീക്ഷിക്കുന്നു.

പഞ്ചസാര വില പരിധിയില്‍ തുടരാന്‍ സാധ്യതയുണ്ടെന്നും, ഉല്‍പ്പാദനം ഉയരുമെന്നും, പഞ്ചസാര മില്ലര്‍മാരുടെ ലാഭക്ഷമതയില്‍ കാര്യമായ ഉയര്‍ച്ചയുണ്ടാകില്ലെന്നും റിപ്പോര്‍ട്ട് പ്രസ്താവിച്ചു.

ആഭ്യന്തര വിതരണ ആശങ്കകള്‍ കാരണം 2025 ലെ പഞ്ചസാര സീസണില്‍ 1 ദശലക്ഷം ടണ്ണായി കയറ്റുമതി പരിമിതപ്പെടുത്തിയിരിക്കുന്നു. 2026 ലെ പഞ്ചസാര സീസണില്‍ സമാനമായ സ്ഥിതി തുടര്‍ന്നേക്കും. എങ്കിലും, കയറ്റുമതി നിയന്ത്രണങ്ങളില്‍ ഇളവ് വരുത്തുന്നത് എത്തനോള്‍ കൂടുതലായി ഉപയോഗിക്കുന്നതിനുള്ള തീരുമാനം, ആഭ്യന്തര ലഭ്യത, പണപ്പെരുപ്പം തുടങ്ങിയ ഘടകങ്ങളെ ആശ്രയിച്ചിരിക്കുമെന്നും റിപ്പോര്‍ട്ട് പറയുന്നു.