ഇ-വിറ്റാര പ്രധാനമന്ത്രി ഫ്‌ലാഗ് ഓഫ് ചെയ്തു

മാരുതി സുസുക്കിയുടെ ആദ്യത്തെ ആഗോള ഇലക്ട്രിക് വാഹനമായ ഇ-വിറ്റാര ഗുജറാത്തിലെ ഹന്‍സല്‍പൂരില്‍ പ്രധാനമന്ത്രി നരേന്ദ്ര മോദി ഫ്‌ലാഗ് ഓഫ് ചെയ്തു. ഇന്ത്യയില്‍ നിര്‍മ്മിക്കുന്ന ഈ കാര്‍ ജപ്പാന്‍ ഉള്‍പ്പെടെ 100-ലധികം രാജ്യങ്ങളിലേക്ക് കയറ്റുമതി ചെയ്യും.

ഹൈബ്രിഡ്, ഇലക്ട്രിക് വാഹന ബാറ്ററി ഉല്‍പ്പാദനത്തെ പിന്തുണയ്ക്കുന്ന, സുസുക്കി, തോഷിബ, ഡെന്‍സോ എന്നിവയുടെ ലിഥിയം-അയണ്‍ ബാറ്ററി നിര്‍മ്മാണ കേന്ദ്രവും മോദി ഉദ്ഘാടനം ചെയ്തു.

ഗുജറാത്ത് മുഖ്യമന്ത്രി ഭൂപേന്ദ്ര പട്ടേലിന്റെയും ജപ്പാന്‍ അംബാസഡര്‍ കെയ്ചി ഒനോയുടെയും സാന്നിധ്യത്തിലായിരുന്നു പരിപാടി.

കഴിഞ്ഞ വര്‍ഷം അവസാനം യൂറോപ്പിലാണ് ഇ-വിറ്റാര ആദ്യമായി ആഗോളതലത്തില്‍ അവതരിപ്പിച്ചത്, 2025 ലെ ഭാരത് മൊബിലിറ്റി ഷോയില്‍ ഇന്ത്യയില്‍ പ്രദര്‍ശിപ്പിച്ചു. ഈ ഇലക്ട്രിക് എസ്യുവി രണ്ട് ബാറ്ററി ഓപ്ഷനുകളാണ് വാഗ്ദാനം ചെയ്യുന്നത്. വകഭേദങ്ങള്‍, സവിശേഷതകള്‍, ഇന്ത്യയിലെ ലോഞ്ച് ടൈംലൈന്‍ എന്നിവയെക്കുറിച്ചുള്ള വിശദാംശങ്ങള്‍ സമീപഭാവിയില്‍ വെളിപ്പെടുത്തുമെന്ന് പ്രതീക്ഷിക്കുന്നു.

ഇലക്ട്രിക് എസ്യുവിയുടെ പ്രതീക്ഷിക്കുന്ന പ്രാരംഭ വില ഏകദേശം 20 ലക്ഷം രൂപയാണ്.