Login 
പഠിക്കാം & സമ്പാദിക്കാം 
Home
16 March 2026 7:24 PM IST
Ignis Sales Drop:ഫെബ്രുവരിയില് ഇഗ്നിസ് വിൽപ്പന ഇടിഞ്ഞു : മികച്ച പ്രകടനവുമായി വാഗണ്ആര്, സ്വിഫ്റ്റ്, ബലേനോ
MyFin Desk
Summary
2026 ഫെബ്രുവരിയിൽ ഇന്ത്യൻ വിപണിയിൽ ഹാച്ച്ബാക്കുകൾക്ക് വലിയ ഡിമാൻഡ് ഉണ്ടായിരുന്നിട്ടും മാരുതി സുസുക്കി ഇഗ്നിസിന്റെ വിൽപ്പനയിൽ 23 ശതമാനം ഇടിവ്. എങ്കിലും മികച്ച ഫീച്ചറുകൾ, 20.89 കി.മീ/ലിറ്റർ മൈലേജ് നൽകുന്ന 1.2 ലിറ്റർ പെട്രോൾ എഞ്ചിൻ, ആകർഷകമായ വില എന്നിവ ഇഗ്നിസിനെ മികച്ച സിറ്റി കാറാക്കുന്നു.
2026 ഫെബ്രുവരിയില് ഇന്ത്യയിലെ ഹാച്ച്ബാക്ക് സെഗ്മെന്റില് മാരുതി സുസുക്കി വാഗണ്ആര്, സ്വിഫ്റ്റ്, ബലേനോ എന്നിവ 14,000-ത്തിലധികം യൂണിറ്റുകള് വിറ്റു. ഈ കാലയളവില് ഹാച്ച്ബാക്ക് വിപണിയില് വലിയ ഡിമാന്ഡ് ഉണ്ടായിരുന്നു.
ഇഗ്നിസ് വില്പ്പനയിൽ കുറവ്
എന്നാല് മാരുതി ഇഗ്നിസ് പ്രതീക്ഷിച്ചതുപോലെയുള്ള പ്രകടനം കാഴ്ച വെച്ചില്ല. ഫെബ്രുവരിയില് 1,848 യൂണിറ്റുകള് മാത്രമാണ് വിറ്റത്. കഴിഞ്ഞ വര്ഷത്തെ 2,394 യൂണിറ്റുകളെ അപേക്ഷിച്ച് 23% ഇടിവ് രേഖപ്പെടുത്തി.
അതേ സമയം ഇഗ്നിസിന് ചില സവിശേഷതകളൊക്കെയുണ്ട്
ഡിസൈന്
ഇഗ്നിസ് ''ബോക്സി സ്റ്റൈലിംഗ്'' ഉള്പ്പെടുന്ന സിറ്റികാര് രൂപകല്പ്പനയ്ക്ക് പ്രശസ്തമാണ്. ഏഴു ഇഞ്ച് ടച്ച്സ്ക്രീന്, ആന്ഡ്രോയിഡ് ഓട്ടോ, ആപ്പിള് കാര്പ്ലേ, ഓട്ടോമാറ്റിക് ക്ലൈമറ്റ് കണ്ട്രോള്, പുഷ് ബട്ടണ് സ്റ്റാര്ട്ട്-സ്റ്റോപ്പ് എന്നിവ പ്രീമിയം സവിശേഷതകളാണ്.
ഹെഡ്ലാമ്പ് ആൻഡ് എക്സ്റ്റീരിയര്
എൽഇഡി പ്രൊജക്ടര് ഹെഡ്ലാമ്പുകൾ, ഡിആർഎല്ലുകൾ, സ്പോര്ട്ടി ലുക്ക് എന്നിവയ്ക്ക് പുതിയ മോഡലില് ഇടമുണ്ട്.
പവര്ട്രെയിന് ആൻഡ് മൈലേജ്
എഞ്ചിന്: 1.2 ലിറ്റര് പെട്രോള്, 82 ബിഎച്ച്പി, 113 എൻഎം ടോര്ക്ക് എന്നിവ ലഭ്യമാണ്.
ട്രാന്സ്മിഷന്: 5-സ്പീഡ് മാനുവല്, 5-സ്പീഡ് എഎംടി ഓപ്ഷനുകള് എന്നിവയുമുണ്ട്.
മൈലേജ്: ഏകദേശം 20.89 കി.മി/ലി, നഗര ഡ്രൈവിംഗിനും മൈലേജ് പ്രാധാന്യമുള്ള ഉപഭോക്താക്കള്ക്കും അനുയോജ്യം.
വില,സുരക്ഷാ ഫീച്ചറുകൾ
എക്സ്-ഷോറൂം വില 5.35 ലക്ഷം രൂപ മുതല് 7.55 ലക്ഷം രൂപ വരെ. സുരക്ഷാ സവിശേഷതകള്: ഡ്യുവല് എയര്ബാഗുകള്, ഇബിഡി ഉള്ള എബിഎസ്, പിന് പാര്ക്കിംഗ് സെന്സറുകള്. മികച്ച മൈലേജ്, പ്രീമിയം സവിശേഷതകള്, മാരുതിയുടെ വിശ്വാസ്യത എന്നിവയോടെ ഇഗ്നിസ് ചെറിയ കുടുംബങ്ങള്ക്കും യുവാക്കള്ക്കും അനുയോജ്യമായ ഒരു മികച്ച സിറ്റികാറാണ്.