പത്ത് മിനിറ്റിനുള്ളില്‍ മരുന്ന് വിതരണവുമായി സെപ്‌റ്റോ

തിരഞ്ഞെടുത്ത മെട്രോപൊളിറ്റന്‍ പ്രദേശങ്ങളില്‍ 10 മിനിറ്റിനുള്ളില്‍ മരുന്ന് വിതരണം വാഗ്ദാനം ചെയ്ത് സെപ്‌റ്റോ. ഇതിനായി ക്വിക്ക് കൊമേഴ്സ് പ്ലാറ്റ്ഫോം 'സെപ്റ്റോ ഫാര്‍മസി' ആരംഭിച്ചു.

മുംബൈ, ബെംഗളൂരു, ഡല്‍ഹി-എന്‍സിആര്‍, ഹൈദരാബാദ് എന്നിവിടങ്ങളിലെ പ്രത്യേക സ്ഥലങ്ങളില്‍ ഈ സേവനം ആരംഭിച്ചതായി സെപ്റ്റോ സഹസ്ഥാപകനും സിഇഒയുമായ ആദിത് പാലിച്ച ലിങ്ക്ഡ്ഇനിലെ ഒരു പോസ്റ്റില്‍ പറഞ്ഞു.

'സെപ്റ്റോ ഫാര്‍മസിയുടെ ലോഞ്ച് ഞങ്ങള്‍ ഔദ്യോഗികമായി പ്രഖ്യാപിക്കുകയാണ് - 10 മിനിറ്റിനുള്ളില്‍ മരുന്നുകള്‍ എത്തിക്കും! ഈ വിഭാഗത്തിന്റെ സങ്കീര്‍ണ്ണത കണക്കിലെടുത്ത് വളരെ വേഗത്തില്‍ സ്‌കെയില്‍ ചെയ്യാതെ, പ്രവര്‍ത്തന നിലവാരം വളരെ ഉയര്‍ന്ന നിലയില്‍ നിലനിര്‍ത്തുക എന്നതാണ് ഞങ്ങളുടെ ലക്ഷ്യം,' അദ്ദേഹം എഴുതി.

ഈ നീക്കം സെപ്റ്റോയുടെ പ്രധാന 10 മിനിറ്റ് പലചരക്ക് വിതരണ മോഡലിനപ്പുറം വികസിക്കുന്നതിനെ അടയാളപ്പെടുത്തുന്നു. ഇത് ടാറ്റ 1എംജി, ഫാംഈസി, അപ്പോളോ 24/7 പോലുള്ള നിലവിലുള്ള ഓണ്‍ലൈന്‍ ഫാര്‍മസികളുമായും മരുന്ന് വിതരണ സേവനങ്ങള്‍ വാഗ്ദാനം ചെയ്യുന്ന മറ്റ് ക്വിക്ക് കൊമേഴ്സ് സ്ഥാപനങ്ങളുമായും മത്സരിക്കാന്‍ അവരെ പ്രാപ്തരാക്കും.