Login 
പഠിക്കാം & സമ്പാദിക്കാം 
Home
27 Aug 2025 2:53 PM IST
Summary
ഒപ്റ്റിക്കല്‍ ഫൈബറുകള്‍ക്ക് വ്യാപകമായ കേടുപാടുകള്‍ സംഭവിച്ചതിനെത്തുടര്‍ന്നാണ് നടപടി
ജമ്മു കശ്മീരിലെ ഇന്‍ട്രാ സര്‍ക്കിള്‍ റോമിംഗ് സൗകര്യം സെപ്റ്റംബര്‍ 2 വരെ ഉടന്‍ സജീവമാക്കാന്‍ എല്ലാ ടെലികോം സേവന ദാതാക്കളോടും കേന്ദ്രം ആവശ്യപ്പെട്ടു. ഇന്‍ട്രാ-സര്‍ക്കിള്‍ റോമിംഗ് ഒരു നെറ്റ്വര്‍ക്കിന്റെ വരിക്കാര്‍ക്ക് ഒരേ മേഖലയിലെ മറ്റൊരു നെറ്റ്വര്‍ക്കിന്റെ സേവനങ്ങള്‍ ഉപയോഗിക്കാന്‍ അനുവദിക്കുന്നു.
നാലാം ദിവസവും തുടര്‍ച്ചയായി പെയ്യുന്ന മഴയില്‍ ജമ്മു ഡിവിഷനില്‍ വെള്ളപ്പൊക്കം പോലുള്ള സാഹചര്യം ഉണ്ടായതിനെ തുടര്‍ന്ന് നിരവധി പേര്‍ക്ക് ഇന്റര്‍നെറ്റ് കണക്ഷന്‍ നഷ്ടപ്പെട്ട സാഹചര്യത്തിലാണ് തീരുമാനം. ഭാരതി എയര്‍ടെല്‍, ബിഎസ്എന്‍എല്‍, റിലയന്‍സ്-ജിയോ, വോഡഫോണ്‍-എല്‍ഡിയ എന്നിവയുള്‍പ്പെടെ എല്ലാ പ്രധാന ടെലികോം ഓപ്പറേറ്റര്‍മാരോടും വരിക്കാര്‍ക്ക് തടസ്സമില്ലാത്ത കണക്റ്റിവിറ്റി നല്‍കാന്‍ നിര്‍ദ്ദേശം നല്‍കിയിട്ടുണ്ട്.
ജമ്മു കശ്മീരിലെ എല്ലാ ഇന്‍-റോമര്‍മാര്‍ക്കും ഐസിആര്‍ സൗകര്യം തുടര്‍ന്നും വ്യാപിപ്പിക്കുമെന്നും ഇത് മുന്‍ഗണനയായി പരിഗണിക്കാമെന്നും ടെലികോം വകുപ്പിന്റെ നിര്‍ദ്ദേശത്തില്‍ പറയുന്നു.
തുടര്‍ച്ചയായ മഴയില്‍ ഒപ്റ്റിക്കല്‍ ഫൈബറുകള്‍ക്ക് വ്യാപകമായ കേടുപാടുകള്‍ സംഭവിച്ചതിനെത്തുടര്‍ന്ന് കാശ്മീരില്‍ നിന്നുള്ള എല്ലാ സേവന ദാതാക്കളിലും നെറ്റ്വര്‍ക്ക് തടസ്സങ്ങള്‍ റിപ്പോര്‍ട്ട് ചെയ്യപ്പെട്ടു. ആശയവിനിമയ തടസ്സം അടിയന്തര പ്രതികരണ നടപടികള്‍ക്ക് തടസ്സമാകുകയും താമസക്കാര്‍ക്കിടയില്‍ പരിഭ്രാന്തി സൃഷ്ടിക്കുകയും ചെയ്തു.
സേവനങ്ങള്‍ എത്രയും വേഗം പുനഃസ്ഥാപിക്കുന്നതിനായി സാങ്കേതിക സംഘങ്ങളെ വിന്യസിച്ചിട്ടുണ്ടെന്ന് ടെലികോം ഓപ്പറേറ്റര്‍മാര്‍ അറിയിച്ചു.