ഇന്റെര്‍നെറ്റില്‍ നമ്മള്‍ വിവരങ്ങള്‍ തിരയുമ്പോള്‍ വിഷയത്തിലേക്ക് കൃത്യമായി എത്തണമെങ്കില്‍ ചില പ്രത്രേക വാക്കുകള്‍ തിരഞ്ഞു...
ഇന്റെര്‍നെറ്റില്‍ നമ്മള്‍ വിവരങ്ങള്‍ തിരയുമ്പോള്‍ വിഷയത്തിലേക്ക് കൃത്യമായി എത്തണമെങ്കില്‍ ചില പ്രത്രേക വാക്കുകള്‍ തിരഞ്ഞു നോക്കിയാല്‍ മതി. ഇത്തരം വാക്കുകളെയാണ് കീ വേര്ഡ് എന്നു പറയുന്നത്. നിങ്ങളുടെ ഉള്ളടക്കം എന്തിനെക്കുറിച്ചാണെന്ന് നിര്‍വചിക്കുന്ന ആശയങ്ങളെയും വിഷയങ്ങളെയും ആണ് കീവേഡുകള്‍ സൂചിപ്പിക്കുന്നത്. സേര്‍ച്ച് എഞ്ചിനുകളില്‍ തിരയുമ്പോള്‍ കൊടുക്കുന്ന വാക്കുകളും ശൈലികളുമാണ് സെര്‍ച്ച് എന്‍ജിന്‍ ഒപ്റ്റിമൈസേഷന്‍ (SEO) വഴി ഒപ്റ്റിമൈസ് ചെയ്യുന്നത്. 'സെര്‍ച്ച് ക്വറീസ്' എന്നും ഇവയെ വിളിക്കാറുണ്ട്. നിങ്ങളുടെ പേജിലെ എല്ലാ ഇമേജുകളും, വീഡിയോയും, കോപ്പികളും, ലളിതമായ വാക്കുകളും ശൈലികളും വരെ ഇവിടെ പ്രാഥമിക കീവേഡുകള്‍ ആയി വരാം. ആളുകള്‍ തിരയുന്ന കാര്യങ്ങളുമായി നിങ്ങളുടെ പേജിലെ കീവേഡുകള്‍ പ്രസക്തമാകണം, എങ്കില്‍ മാത്രമെ തിരയലില്‍ ഉള്ളടക്കം കണ്ടെത്താന്‍ കഴിയുകയുള്ളൂ.
എന്തുകൊണ്ടാണ് ഇവ പ്രാധാന്യമര്‍ഹിക്കുന്നത്?
ആളുകള്‍ തിരയുന്ന വിവരങ്ങള്‍ ലഭിക്കാനായി നിങ്ങള്‍ നല്‍കുന്ന കീവേഡുകള്‍ പ്രധാനമാണ്. സെര്‍ച്ച് എഞ്ചിനുകളുടെ റാങ്കിംഗില്‍ നിങ്ങള്‍ക്ക് ആവശ്യമായ വിരങ്ങളില്‍ എത്താന്‍ സെര്‍ച്ച് എഞ്ചിന്‍ ഫലങ്ങള്‍ ലഭ്യമാക്കുന്ന പേജുകളില്‍ (SERP-കള്‍) നിന്നും നിങ്ങളുടെ സൈറ്റിലേക്കുള്ള ഓര്‍ഗാനിക് ട്രാഫിക് വര്‍ധിപ്പിക്കുകയാണ് ഇതിലൂടെ ചെയ്യുന്നത്.
ഇതു കൂടാതെ നിങ്ങള്‍ തിരഞ്ഞെടുക്കുന്ന കീവേഡുകള്‍ അതായത്, നിങ്ങളുടെ ഉള്ളടക്കത്തില്‍ ഉള്‍പ്പെടുത്താന്‍ തിരഞ്ഞെടുക്കുന്നവ ഏത് തരത്തിലുള്ള ട്രാഫിക്കാണ് ഉണ്ടാക്കുന്നതെന്ന് വിലയിരുത്താം. ഉദാഹരണത്തിന് ഒരു ഗോള്‍ഫ് ഷോപ്പിന്റെ സെര്‍ച്ച് മെച്ചപ്പെടുത്താന്‍ 'ക്ലബ്' എന്നു കൊടുത്താല്‍ ഏതൊക്കെ ക്ലബ് ഉണ്ടോ അതൊക്കെ തിരച്ചിലില്‍ വന്നേക്കാം. ക്ലബിനു പകരം 'ഗോള്‍ഫ്ക്ലബ്' എന്നു കൊടുക്കുമ്പോള്‍ കുറച്ചൂടെ മെച്ചപ്പെട്ട ഫലങ്ങള്‍ ലഭ്യമാകുന്നു.
കീവേഡ് ഉപയോഗിക്കുന്നതിന് സാധാരണയായി പാലിക്കേണ്ട ചില നിയമങ്ങള്‍ ഉണ്ട്. ബോട്ടുകളും മനുഷ്യരും സെര്‍ച്ച് ചെയ്യുന്ന വിഷയങ്ങളില്‍ നിങ്ങളുടെ സൈറ്റിന്റെ ഓരോ പേജിലും എല്ലായിടത്തും ഉപയോഗിച്ചു കാണാത്ത കീവേഡുകള്‍ ഉപയോഗിക്കാം. ഇതില്‍ ഹെഡിംങ്ടാഗും ഉള്ളടക്കത്തിന്റെ ബോഡിയും ഒക്കെ ഉള്‍പ്പെടുത്താം. ഇല്ലെങ്കില്‍ സെര്‍ച്ച് ചെയ്യുമ്പോള്‍ നമ്മുടെ പേജോ കണ്ടെന്റോ ലിസ്റ്റ് ചെയ്യപ്പെടാതിരിക്കാം.
ഒരു സൈറ്റിന്റെ യുആര്‍എല്‍, പേജിന്റെ H1 ടാഗ്, മെറ്റാ വിവരണം, പേജിലെ ചിത്രങ്ങളുടെ ആള്‍ട്ട് ആട്രിബ്യൂട്ടുകള്‍ എന്നിവയിലൊക്കെ നിങ്ങളുടെ പ്രാഥമിക കീവേഡ് എങ്ങനെ പ്രവര്‍ത്തിക്കുന്നുവെന്ന് നോക്കും. ഈ കാര്യങ്ങളെല്ലാം തന്നെ കൊടുത്ത ഉള്ളടക്കം യഥാര്‍ത്ഥത്തില്‍ എന്തിനെക്കുറിച്ചാണെന്നറിയാന്‍ സെര്‍ച്ച് എഞ്ചിനുകളെ സഹായിക്കുന്നു.
Login 
പഠിക്കാം & സമ്പാദിക്കാം 
Home
