കൊപ്പാൾ പ്ലാന്റിലെ ഉത്പാദനം കൂടി, കിർലോസ്കർ ഫെറസ്സ് ഓഹരികൾക്ക് ഉയർച്ച

കിർലോസ്കർ ഫെറസ്സ് ഇൻഡസ്ട്രീസിന്റെ ഓഹരികൾ ഇന്ന് വ്യാപാരത്തിനിടയിൽ 4 ശതമാനം ഉയർന്നു. കൊപ്പാൾ പ്ലാന്റിലെ മിനി ബ്ലാസ്റ് ഫർണസ്-2 (എംബിഎഫ്-2) വിന്റെ പ്രവർത്തനങ്ങൾ പുനരാരംഭിച്ചതിനെ തുടർന്നാണ് വില ഉയർന്നത്. കർണാടകയിലെ കൊപ്പാൾ പ്ലാന്റിലെ മിനി ബ്ലാസ്റ്റ് ഫർണസിന്റെ നവീകരണം പൂർത്തിയായെന്നും, പ്രവർത്തനങ്ങൾ ജൂലൈ 4 മുതൽ ആരംഭിച്ചുവെന്നും കമ്പനി അറിയിച്ചു.

നവീകരണത്തിന് ശേഷം, എംബിഎഫ്-2 ൽ പി​ഗ് അയണിന്റെ ഉത്പാദന ശേഷി പ്രതിവർഷം 1,80,000 ടണ്ണിൽ നിന്നും 2,17,600 ടൺ ആയും, മൊത്തം ഉത്പാദന ശേഷി പ്രതിവർഷം 6,09,000 ടൺ ആയും ഉയർന്നു.

കിർലോസ്കർ ഫെറസ് ഇൻഡസ്ട്രീസ് പി​ഗ് അയൺ നിർമ്മാണ കമ്പനിയാണ്. ഓഹരി ഇന്ന് 197 രൂപ വരെ ഉയർന്നു. 1.08 ശതമാനം നേട്ടത്തിൽ 191.20 രൂപയിലാണ് വ്യാപാരം അവസാനിപ്പിച്ചത്.