6 ടോപ് 10 കമ്പനികളുടെ എംക്യാപില്‍ 57,408 കോടിയുടെ ഇടിവ്

രാജ്യത്ത് ഓഹരി വിപണി മൂല്യത്തില്‍ മുന്നില്‍ നില്‍ക്കുന്ന 10 കമ്പനികളില്‍ 6 എണ്ണത്തിന്‍റെ മൊത്തം വിപണി മൂല്യം കഴിഞ്ഞ വാരത്തില്‍ 57,408.22 കോടി രൂപ കുറഞ്ഞു. ടാറ്റ കൺസൾട്ടൻസി സർവീസസും (ടിസിഎസ്) എച്ച്ഡിഎഫ്‌സി ബാങ്കും ഏറ്റവും വലിയ ഇടിവ് നേരിട്ടു.

ജനുവരി 1 ന് 72,561.91 എന്ന എക്കാലത്തെയും ഉയർന്ന നിരക്കിലെത്തി എങ്കിലും കഴിഞ്ഞ ആഴ്ച മൊത്തമായി ബിഎസ്ഇ ബെഞ്ച്മാർക്ക് 214.11 പോയിന്റ് അഥവാ 0.29 ശതമാനം ഇടിഞ്ഞു.

ടിസിഎസിന്റെ വിപണി മൂല്യം 20,929.77 കോടി രൂപ കുറഞ്ഞ് 13,67,661.93 കോടി രൂപയായി. എച്ച്‌ഡിഎഫ്‌സി ബാങ്കിന്റെ വിപണി മൂലധനം 20,536.48 കോടി രൂപ കുറഞ്ഞ് 12,77,435.56 കോടി രൂപയിലെത്തി.

ഹിന്ദുസ്ഥാൻ യുണിലിവറിന്റെ മൂല്യം 10,114.99 കോടി രൂപ കുറഞ്ഞ് 6,15,663.40 കോടി രൂപയായി. ഇൻഫോസിസിന്റെ മൂല്യം 4,129.69 കോടി രൂപ കുറഞ്ഞ് 6,36,222.11 കോടി രൂപയായപ്പോൾ ഐസിഐസിഐ ബാങ്കിന്റെ മൂല്യം 1,608.05 കോടി രൂപ കുറഞ്ഞ് 6,97,357.42 കോടി രൂപയിലെത്തി. സ്റ്റേറ്റ് ബാങ്ക് ഓഫ് ഇന്ത്യയുടെ മൂല്യം 89.24 കോടി രൂപ കുറഞ്ഞ് 5,72,826.22 കോടി രൂപയായി.

എന്നിരുന്നാലും, റിലയൻസ് ഇൻഡസ്ട്രീസിന്റെ എംക്യാപ് 14,816.85 കോടി രൂപ ഉയർന്ന് 17,63,644.77 കോടി രൂപയായപ്പോൾ ഐടിസി 14,409.32 കോടി രൂപ കൂട്ടിയതോടെ അതിന്റെ മൂല്യം 5,91,219.09 കോടി രൂപയായി. ഭാരതി എയർടെല്ലിന്റെ വിപണി മൂല്യം 8,200.55 കോടി രൂപ ഉയർന്ന് 5,88,846.09 കോടി രൂപയായി. ലൈഫ് ഇൻഷുറൻസ് കോർപ്പറേഷൻ ഓഫ് ഇന്ത്യയുടെ (എൽഐസി) മൂല്യം 7,020.75 കോടി രൂപ ഉയർന്ന് 5,34,082.81 കോടി രൂപയിലെത്തി.

ഏറ്റവും മൂല്യമുള്ള സ്ഥാപനങ്ങളുടെ ചാർട്ടിൽ റിലയൻസ് ഇൻഡസ്ട്രീസ് ഒന്നാം സ്ഥാനത്തു തുടർന്നു, ടിസിഎസ്, എച്ച്ഡിഎഫ്‌സി ബാങ്ക്, ഐസിഐസിഐ ബാങ്ക്, ഇൻഫോസിസ്, ഹിന്ദുസ്ഥാൻ യുണിലിവർ, ഐടിസി, ഭാരതി എയർടെൽ, സ്റ്റേറ്റ് ബാങ്ക് ഓഫ് ഇന്ത്യ, എൽഐസി എന്നിവ യഥാക്രമം പിന്നീടുള്ള സ്ഥാനങ്ങളിൽ വരുന്നു.