രൂപയുടെ മൂല്യം 10 പൈസ ഇടിഞ്ഞു; വിപണി നേട്ടത്തിൽ

ഡോളറിനെതിരെ ഇന്ത്യൻ രൂപയുടെ മൂല്യം 10 പൈസ ഇടിഞ്ഞു. വിനിമയ മൂല്യം 85.48 എന്ന നിലയിലേക്കാണ് ഇടിഞ്ഞത്. ഇറക്കുമതിക്കാരിൽ നിന്നും വിദേശ ബാങ്കുകളിൽ നിന്നുമുള്ള ഡോളർ ഡിമാൻഡ്, ആഗോള അസംസ്കൃത എണ്ണ വിലയിലെ വർധനയുമാണ് രൂപയുടെ മൂല്യം ഇടിയാൻ കാരണമായത്.

ഇൻ്റർബാങ്ക് വിദേശനാണ്യ വിനിമയത്തിൽ 85.56 ൽ വ്യാപാരം ആരംഭിച്ച രൂപ പിന്നീട് 85.48 ലേക്ക് ഇടിയുകയായിരുന്നു. ഇന്നലെ യുഎസ് ഡോളറിനെതിരെ രൂപയുടെ മൂല്യം 2 പൈസ ഉയർന്ന് 85.38 എന്ന നിലയിലാണ് അവസാനിച്ചത്.

അതേസമയം, ആറ് കറൻസികളുടെ ഒരു ബാസ്കറ്റിനെതിരെ ഗ്രീൻബാക്കിന്റെ ശക്തി അളക്കുന്ന ഡോളർ സൂചിക 0.11 ശതമാനം ഉയർന്ന് 99.89 എന്ന നിലയിലാണ് വ്യാപാരം നടത്തുന്നത്. ആഗോള എണ്ണ മാനദണ്ഡമായ ബ്രെന്റ് ക്രൂഡ്, ഫ്യൂച്ചേഴ്സ് വ്യാപാരത്തിൽ ബാരലിന് 1.25 ശതമാനം ഉയർന്ന് 65.71 ഡോളറായി.

ഓഹരി വിപണിയിൽ സെൻസെക്സ് 320.70 പോയിന്റ് അഥവാ 0.39 ശതമാനം ഉയർന്ന് 81,633.02 ൽ ക്ലോസ് ചെയ്തു, നിഫ്റ്റി 81.15 പോയിന്റ് അഥവാ 0.33 ശതമാനം ഉയർന്ന് 24,833.60 ൽ എത്തി.