മൂന്നാം ദിവസവും മൂല്യം ഉയര്‍ന്ന് രൂപ, 16 പൈസയുടെ നേട്ടം

ഡോളറിനെതിരെ രൂപക്ക്‌ നേട്ടം. 16 പൈസയുടെ നേട്ടത്തോടെ 85.64 എന്ന നിലയിലാണ് രൂപയുടെ വ്യാപാരം അവസാനിച്ചത്. തുടർച്ചയായ മൂന്നാം ദിവസമാണ് രൂപയുടെ മൂല്യം ഉയരുന്നത്. വിദേശ ഫണ്ടുകളുടെ വരവും ദുർബലമായ അമേരിക്കൻ കറൻസിയും അന്താരാഷ്ട്ര വിപണിയിൽ ക്രൂഡ് വില കുറഞ്ഞതും രൂപയുടെ നേട്ടത്തിന് കാരണമായി.

ഇന്ന് 85.66 എന്ന നിലയിലാണ് രൂപയുടെ വ്യാപാരം ആരംഭിച്ചത്. ഇന്നലത്തെ വ്യാപാരത്തിൽ ഡോളറിനെതിരെ രൂപയുടെ മൂല്യം 30 പൈസയുടെ നേട്ടത്തോടെ 85.80 എന്ന നിലയിലാണ് വ്യാപാരം അവസാനിപ്പിച്ചത്.

അതേസമയം, ആറ് കറൻസികളുടെ ഒരു ബാസ്കറ്റിനെതിരെ ഗ്രീൻബാക്കിന്റെ ശക്തി അളക്കുന്ന ഡോളർ സൂചിക 0.57 ശതമാനം ഇടിഞ്ഞ് 99.39 എന്ന നിലയിലെത്തി. ആഗോള എണ്ണ മാനദണ്ഡമായ ബ്രെന്റ് ക്രൂഡ്, ഫ്യൂച്ചേഴ്സ് വ്യാപാരത്തിൽ ബാരലിന് 0.88 ശതമാനം ഉയർന്ന് 65.24 യുഎസ് ഡോളറിലെത്തി.

ഓഹരി വിപണിയിൽ സെൻസെക്സ് 309.40 പോയിന്റ് അഥവാ 0.40 ശതമാനം ഉയർന്ന് 77,044.29 എന്ന നിലയിലെത്തി, നിഫ്റ്റി 108.65 പോയിന്റ് അഥവാ 0.47 ശതമാനം ഉയർന്ന് 23,437.20 എന്ന നിലയിലെത്തി.