രൂപക്ക്‌ നേട്ടം; ഓഹരി വിപണി നഷ്ടത്തില്‍

ഡോളറിനെതിരെ രൂപക്ക്‌ നേട്ടം. 16 പൈസയുടെ നേട്ടത്തോടെ 85.29 എന്ന നിലയിലാണ് വ്യാപാരം അവസാനിച്ചത്. ക്രൂഡ് ഓയിൽ വിലയിലെ ഇടിവാണ് രൂപയുടെ മൂല്യം ഉയരാൻ കാരണമായത്.

ഇന്ന് 85.25 എന്ന നിലയിലാണ് രൂപയുടെ വ്യാപാരം ആരംഭിച്ചത്. ഇന്നലത്തെ വ്യാപാരത്തിൽ ഡോളറിനെതിരെ രൂപയുടെ മൂല്യം 26 പൈസയുടെ നഷ്ടത്തോടെ 85.45 എന്ന നിലയിലാണ് വ്യാപാരം അവസാനിപ്പിച്ചത്.

അതേസമയം, ആറ് കറൻസികളുടെ ഒരു ബാസ്കറ്റിനെതിരെ ഗ്രീൻബാക്കിന്റെ ശക്തി അളക്കുന്ന ഡോളർ സൂചിക 0.51 ശതമാനം കുറഞ്ഞ് 99.33 ൽ വ്യാപാരം നടത്തി. ആഗോള എണ്ണ മാനദണ്ഡമായ ബ്രെന്റ് ക്രൂഡ്, ഫ്യൂച്ചേഴ്സ് വ്യാപാരത്തിൽ ബാരലിന് 0.65 ശതമാനം ഉയർന്ന് 66.55 ഡോളറിലെത്തി..

ഓഹരി വിപണിയിൽ സെൻസെക്സ് 256.90 പോയിന്റ് അഥവാ 0.32 ശതമാനം ഇടിഞ്ഞ് 79,859.59 ൽ അവസാനിച്ചു, നിഫ്റ്റി 82.25 പോയിന്റ് അഥവാ 0.34 ശതമാനം ഇടിഞ്ഞ് 24,246.70 ലെത്തി.