തിരിച്ചുവന്ന് രൂപ, 27 പൈസയുടെ നേട്ടം; സെന്‍സെക്‌സ് 300 പോയിന്റ് കുതിച്ചു

ഡോളറിനെതിരെ വീണ്ടും കുതിച്ച് രൂപ. 27 പൈസയുടെ നേട്ടത്തോടെ 84.30 എന്ന നിലയിലാണ് വ്യാപാരം അവസാനിച്ചത്. ക്രൂഡ് ഓയിൽ വിലയിലെ ഇടിവാണ് രൂപയുടെ മൂല്യം ഉയരാൻ കാരണമായത്.

ഇന്ന് 84.45 എന്ന നിലയിലാണ് രൂപയുടെ വ്യാപാരം ആരംഭിച്ചത്. വെള്ളിയാഴ്ച ഡോളറിനെതിരെ രൂപയുടെ മൂല്യം 3 പൈസ കുറഞ്ഞ്‌ 84.57 എന്ന നിലയിലാണ് വ്യാപാരം അവസാനിപ്പിച്ചത്.

അതേസമയം, ആറ് കറൻസികളുടെ ഒരു ബാസ്കറ്റിനെതിരെ ഗ്രീൻബാക്കിന്റെ ശക്തി അളക്കുന്ന ഡോളർ സൂചിക 0.38 ശതമാനം കുറഞ്ഞ് 99.64 ൽ വ്യാപാരം നടത്തി. ആഗോള എണ്ണ മാനദണ്ഡമായ ബ്രെന്റ് ക്രൂഡ്, ഫ്യൂച്ചേഴ്സ് വ്യാപാരത്തിൽ ബാരലിന് 1.26 ശതമാനം ഇടിഞ്ഞ് 60.52 ഡോളറിലെത്തി.

ഓഹരി വിപണിയിൽ സെൻസെക്സ് 294.85 പോയിന്റ് അഥവാ 0.37 ശതമാനം ഉയർന്ന് 80,796.84 ൽ ക്ലോസ് ചെയ്തു, നിഫ്റ്റി 114.45 പോയിന്റ് അഥവാ 0.47 ശതമാനം ഉയർന്ന് 24,461.15 ൽ ക്ലോസ് ചെയ്തു.