ടോപ് 10-ലെ 7 കമ്പനികളുടെ മൊത്തം എം ക്യാപ് നഷ്ടം 65,656 കോടി രൂപ

ഏറ്റവും മൂല്യമുള്ള 10 കമ്പനികളിൽ ഏഴ് കമ്പനികളുടെ സംയുക്ത വിപണി മൂല്യം കഴിഞ്ഞ ആഴ്ച 65,656.36 കോടി രൂപ ഇടിഞ്ഞു. ആഭ്യന്തര ഓഹരികളിലെ പ്രവണത ദുര്‍ബലമായ നിലയിലായിരുന്നു. റിലയൻസ് ഇൻഡസ്ട്രീസാണ് ഏറ്റവും വലിയ തിരിച്ചടി നേരിട്ടത്. കഴിഞ്ഞ ആഴ്ച, ബിഎസ്ഇ ബെഞ്ച്മാർക്ക് സെന്‍സെക്സ് 45.42 പോയിന്റ് അല്ലെങ്കിൽ 0.07 ശതമാനം ഉയർന്നു, നിഫ്റ്റി 34.75 പോയിന്റ് അല്ലെങ്കിൽ 0.18 ശതമാനം ഉയർന്നു.

റിലയൻസ് ഇൻഡസ്ട്രീസ്, ടാറ്റ കൺസൾട്ടൻസി സർവീസസ് (ടിസിഎസ്), എച്ച്‌ഡിഎഫ്‌സി ബാങ്ക്, ഐസിഐസിഐ ബാങ്ക്, ഐടിസി, ഇൻഫോസിസ്, എച്ച്‌ഡിഎഫ്‌സി എന്നിവ ഇടിവ് രേഖപ്പെടുത്തിയപ്പോള്‍, ഹിന്ദുസ്ഥാൻ യുണിലിവർ, സ്റ്റേറ്റ് ബാങ്ക് ഓഫ് ഇന്ത്യ, ഭാരതി എയർടെൽ എന്നിവ വിപണി മൂല്യത്തിൽ വർധന രേഖപ്പെടുത്തി.

റിലയൻസ് ഇൻഡസ്ട്രീസിന്റെ വിപണി മൂല്യം 34,910.54 കോടി രൂപ ഇടിഞ്ഞ് 16,60,923.11 കോടി രൂപയായി. ഐസിഐസിഐ ബാങ്കിന്റെ മൂല്യം 9,355.65 കോടി രൂപ ഇടിഞ്ഞ് 6,55,197.93 കോടി രൂപയായപ്പോള്‍ ഇൻഫോസിസിന്റെ മൂല്യം 7,739.51 കോടി രൂപ ഇടിഞ്ഞ് 5,38,923.48 കോടി രൂപയിലെത്തി. ടിസിഎസിന്റെ വിപണി മൂലധനം (എംക്യാപ്) 7,684.01 കോടി രൂപ കുറഞ്ഞ് 12,10,414.19 കോടി രൂപയായും എച്ച്‌ഡിഎഫ്‌സി ബാങ്കിന്റേത് 5,020.13 കോടി രൂപ കുറഞ്ഞ് 8,97,722.23 കോടി രൂപയായും മാറി.

ഐടിസിയുടെ മൂല്യം 621.4 കോടി കുറഞ്ഞ് 5,50,809.75 കോടി രൂപയിലെത്തി, എച്ച്‌ഡിഎഫ്‌സിയുടെ മൂല്യം 325.12 കോടി രൂപ കുറഞ്ഞ് 4,88,141.04 കോടി രൂപയായി.

എന്നിരുന്നാലും, ഹിന്ദുസ്ഥാൻ യുണിലിവർ 15,213.6 കോടി രൂപ കൂട്ടി, അതിന്റെ മൂല്യം 6,38,231.22 കോടി രൂപയിലെത്തിച്ചു. ഭാരതി എയർടെല്ലിന്റെ മൂല്യം 10,231.92 കോടി രൂപ ഉയർന്ന് 4,66,263.37 കോടി രൂപയായപ്പോള്‍ സ്റ്റേറ്റ് ബാങ്ക് ഓഫ് ഇന്ത്യയുടേത് 1,204.82 കോടി രൂപ ഉയർന്ന് 5,24,053.21 കോടി രൂപയായി ഉയർന്നു.

ആദ്യ 10 സ്ഥാപനങ്ങളുടെ റാങ്കിംഗിൽ, റിലയൻസ് ഇൻഡസ്ട്രീസ് ഒന്നാം സ്ഥാനം നിലനിർത്തി, ടിസിഎസ്, എച്ച്ഡിഎഫ്‍സി ബാങ്ക്, ഐസിഐസിഐ ബാങ്ക്, ഹിന്ദുസ്ഥാൻ യുണിലിവർ, ഐടിസി, ഇൻഫോസിസ്, സ്റ്റേറ്റ് ബാങ്ക് ഓഫ് ഇന്ത്യ, എച്ച്ഡിഎഫ്സി, ഭാരതി എയർടെൽ എന്നിവയാണ് തൊട്ടുപിന്നിലുള്ള സ്ഥാനങ്ങളില്‍