ആഗോള വിപണികൾ പോസിറ്റീവായി, ഗിഫ്റ്റ് നിഫ്റ്റി നേട്ടത്തിൽ, ഇന്ത്യൻ സൂചികകൾ ഉയർന്ന് തുറക്കാൻ സാധ്യത

ആഗോള വിപണിയിലെ സമ്മിശ്ര സൂചനകൾക്കിടയിൽ ഇന്ത്യൻ വിപണി ഇന്ന് ഉയർന്ന് തുറക്കുമെന്ന് പ്രതീക്ഷിക്കുന്നു. ഗിഫ്റ്റ് നിഫ്റ്റി പോസിറ്റീവായി വ്യാപാരം ആരംഭിച്ചു. ഏഷ്യൻ വിപണികൾ സമ്മിശ്രമായി വ്യാപാരം നടത്തുന്നു. യുഎസ് ഓഹരി വിപണി വെള്ളിയാഴ്ച ഉയർന്ന് അവസാനിച്ചു. നാസ്ഡാക്ക് റെക്കോർഡ് നിലയിൽ അവസാനിച്ചു. ഈ ആഴ്ചയിലെ പണപ്പെരുപ്പ ഡാറ്റയ്ക്ക് മുമ്പ് യുഎസ് ഓഹരി ഫ്യൂച്ചറുകൾ ഉയർന്നിരുന്നു.

യുഎസ്-ഇന്ത്യ വ്യാപാര ചർച്ചകളിലെ സംഭവവികാസങ്ങൾ, താരിഫുകളെക്കുറിച്ചുള്ള അപ്‌ഡേറ്റുകൾ, പണപ്പെരുപ്പ ഡാറ്റ, യുഎസ് പ്രസിഡന്റ് ഡൊണാൾഡ് ട്രംപിന്റെയും റഷ്യൻ പ്രസിഡന്റ് വ്‌ളാഡിമിർ പുടിന്റെയും കൂടിക്കാഴ്ച, വിദേശ ഫണ്ടുകളുടെ ഒഴുക്ക്, പാദ ഫലങ്ങൾ, എന്നിവ ഈ ആഴ്ച വിപണികളിൽ സ്വാധീനം ചെലുത്തും.

യുഎസ് പ്രസിഡന്റ് ഡൊണാൾഡ് ട്രംപിന്റെ ഇന്ത്യയ്ക്കുമേലുള്ള 50% താരിഫുകളുടെ സാമ്പത്തിക പ്രത്യാഘാതങ്ങളെക്കുറിച്ചുള്ള ആശങ്കകൾക്കിടയിൽ വെള്ളിയാഴ്ച ഇന്ത്യൻ ഓഹരി വിപണി കുത്തനെ താഴ്ന്നു.

സെൻസെക്സ് 765.47 പോയിന്റ് അഥവാ 0.95% നഷ്ടത്തിൽ 79,857.79 ൽ ക്ലോസ് ചെയ്തു. നിഫ്റ്റി 50 232.85 പോയിന്റ് അഥവാ 0.95% താഴ്ന്ന് 24,363.30 ൽ ക്ലോസ് ചെയ്തു.

ഏഷ്യൻ വിപണികൾ

ഏഷ്യൻ വിപണികൾ സമ്മിശ്രമായി വ്യാപാരം നടത്തുന്നു. ജപ്പാന്റെ ഓഹരി വിപണി അവധിക്ക് അടച്ചു. ദക്ഷിണ കൊറിയയുടെ കോസ്പി 0.02% കുറഞ്ഞു. കോസ്ഡാക്ക് ഫ്ലാറ്റായിരുന്നു. ഹോങ്കോങ്ങിന്റെ ഹാങ് സെങ് സൂചിക ഫ്യൂച്ചറുകൾ ഉയർന്ന ഓപ്പണിംഗിനെ സൂചിപ്പിക്കുന്നു.

ഗിഫ്റ്റ് നിഫ്റ്റി

ഗിഫ്റ്റ് നിഫ്റ്റി 55.5 പോയിന്റ് അഥവാ 0.23 ശതമാനം ഉയർന്ന് 24,449 ൽ വ്യാപാരം നടത്തുന്നു. തിങ്കളാഴ്ച ദലാൽ സ്ട്രീറ്റ് പോസിറ്റീവ് തുടക്കത്തിലേക്ക് നീങ്ങുന്നതിന്റെ സൂചനയാണിത്.

വാൾസ്ട്രീറ്റ്

യുഎസ് ഓഹരി വിപണി വെള്ളിയാഴ്ച നേട്ടത്തിൽ അവസാനിച്ചു. നാസ്ഡാക്ക് തുടർച്ചയായ രണ്ടാം ദിവസവും റെക്കോർഡ് ക്ലോസിംഗ് ഉയരത്തിലെത്തി. ടെക്നോളജി ഓഹരികളുടെ റാലിക്ക് ഇത് കാരണമായി.

ഡൗ ജോൺസ് ഇൻഡസ്ട്രിയൽ ശരാശരി 206.97 പോയിന്റ് അഥവാ 0.47% ഉയർന്ന് 44,175.61 ലെത്തി, എസ് & പി 49.45 പോയിന്റ് അഥവാ 0.78% ഉയർന്ന് 6,389.45 ലെത്തി. നാസ്ഡാക്ക് കോമ്പോസിറ്റ് 207.32 പോയിന്റ് അഥവാ 0.98% ഉയർന്ന് 21,450.02 ലെത്തി. ആഴ്ചയിൽ, എസ് & പി 500 2.4% ഉയർന്നു, ഡൗ ജോൺസ് 1.3% ഉയർന്നു, നാസ്ഡാക്ക് 3.9% ഉയർന്നു.

ആപ്പിൾ ഓഹരി വില 4.2% ഉയർന്നു. എൻവിഡിയ ഓഹരികൾ 1.09% ഉയർന്നു. ടെസ്‌ല ഓഹരി വില 2.30% ഉയർന്നു. എച്ച്പി ഓഹരികൾ 3% ഉയർന്നു. ഗിലിയഡ് സയൻസസ് ഓഹരികൾ 8.3% ഉയർന്നു, എക്സ്പീഡിയ 4.1% ഉയർന്നു.

ട്രംപ്-പുടിൻ കൂടിക്കാഴ്ച

ഓഗസ്റ്റ് 15 ന് അലാസ്കയിൽ റഷ്യൻ പ്രസിഡന്റ് വ്‌ളാഡിമിർ പുടിനെ കാണുമെന്ന് അമേരിക്കൻ പ്രസിഡന്റ് ഡൊണാൾഡ് ട്രംപ് പ്രഖ്യാപിച്ചു.

പിന്തുണയും പ്രതിരോധവും

നിഫ്റ്റി

പിവറ്റ് പോയിന്റുകളെ അടിസ്ഥാനമാക്കിയുള്ള പ്രതിരോധം: 24,523, 24,582, 24,677

പിന്തുണ: 24,334, 24,276, 24,181

ബാങ്ക് നിഫ്റ്റി

പിവറ്റ് പോയിന്റുകളെ അടിസ്ഥാനമാക്കിയുള്ള പ്രതിരോധം: 55,473, 55,649, 55,935

പിന്തുണ: 54,902, 54,726, 54,441

പുട്ട്-കോൾ അനുപാതം

മാർക്കറ്റിന്റെ മാനസികാവസ്ഥയെ സൂചിപ്പിക്കുന്ന നിഫ്റ്റി പുട്ട്-കോൾ അനുപാതം (പിസിആർ), ഓഗസ്റ്റ് 8 ന് 0.66 ആയി കുത്തനെ ഇടിഞ്ഞു.

ഇന്ത്യവിക്സ്

വിപണിയിലെ ചാഞ്ചാട്ടം അളക്കുന്ന ഇന്ത്യ വിക്സ്, 2.95 ശതമാനം ഉയർന്ന് 12.03 എന്ന നിലയിലെത്തി.

വിദേശ പോർട്ട്‌ഫോളിയോ നിക്ഷേപകർ

വിദേശ പോർട്ട്‌ഫോളിയോ നിക്ഷേപകർ വെള്ളിയാഴ്ച 1,932 കോടി രൂപയുടെ ഓഹരികൾ വാങ്ങി. ആഭ്യന്തര നിക്ഷേപകർ 7724 കോടി രൂപയുടെ ഓഹരികൾ വാങ്ങി.

രൂപ

അമേരിക്കൻ ഡോളറിനെതിരെ രൂപയുടെ മൂല്യം വെള്ളിയാഴ്ച 87.58 എന്ന നിലയിൽ എത്തി.

സ്വർണ്ണ വില

സ്വർണ്ണ വില കുറഞ്ഞു. യുഎസ് സ്വർണ്ണ ഫ്യൂച്ചറുകൾ 1.2% കുറഞ്ഞു, അതേസമയം സ്പോട്ട് സ്വർണ്ണ വില 0.3% കുറഞ്ഞ് ഔൺസിന് 3,387.14 ഡോളറിലെത്തി.

എണ്ണ വില

ഈ ആഴ്ച അവസാനം ട്രംപ്-പുടിൻ കൂടിക്കാഴ്ചയ്ക്ക് മുന്നോടിയായി ഉക്രെയ്നിൽ വെടിനിർത്തൽ ഉണ്ടാകുമെന്ന പ്രതീക്ഷയിൽ അസംസ്കൃത എണ്ണ വില കുറഞ്ഞു. ബ്രെന്റ് ക്രൂഡ് ഓയിൽ 1.07% കുറഞ്ഞ് ബാരലിന് 65.88 ഡോളറിലെത്തി. യുഎസ് വെസ്റ്റ് ടെക്സസ് ഇന്റർമീഡിയറ്റ് (ഡബ്ല്യുടിഐ) ക്രൂഡ് ഓയിൽ ഫ്യൂച്ചറുകൾ 1.17% കുറഞ്ഞ് 63.13 ഡോളറിലെത്തി.

ഇന്ന് ഫലം പ്രഖ്യാപിക്കുന്ന കമ്പനികൾ

ബാറ്റ ഇന്ത്യ, ഇപ്ക ലബോറട്ടറീസ്, അശോക ബിൽഡ്കോൺ, ആസ്ട്രൽ, ഔഫിസ് സ്പേസ് സൊല്യൂഷൻസ്, ബജാജ് കൺസ്യൂമർ കെയർ, ബിഇഎംഎൽ, ബ്രിഗേഡ് ഹോട്ടൽ വെഞ്ച്വേഴ്‌സ്, എൻവിറോ ഇൻഫ്ര എഞ്ചിനീയേഴ്‌സ്, കൃഷ്ണ ഡയഗ്നോസ്റ്റിക്സ്, പ്രജ് ഇൻഡസ്ട്രീസ്, തിലക്‌നഗർ ഇൻഡസ്ട്രീസ്, ടിറ്റഗഡ് റെയിൽ സിസ്റ്റംസ്, ട്രാവൽ ഫുഡ് സർവീസസ്, വിഎസ്ടി ടില്ലേഴ്‌സ് ട്രാക്ടറുകൾ, വെബ്‌സോൾ എനർജി സിസ്റ്റം എന്നിവ.

ഇന്ന് ശ്രദ്ധിക്കേണ്ട ഓഹരികൾ

മണപ്പുറം ഫിനാൻസ്

ബാങ്കിംഗ് ഇതര ധനകാര്യ കമ്പനിയായ മണപ്പുറം ഫിനാൻസിൻറെ അറ്റാദായം 2026 സാമ്പത്തിക വർഷത്തെ ആദ്യ പാദത്തിൽ 76.3% കുറഞ്ഞ് 132 കോടി രൂപയിലെത്തി. മൈക്രോഫിനാൻസ് യൂണിറ്റിൽ നികുതിക്ക് മുമ്പുള്ള നഷ്ടം 437 കോടിയായി. അറ്റ പലിശ വരുമാനം 14.2% കുറഞ്ഞ് 1,407 കോടിയിലെത്തി. വരുമാനം 9% കുറഞ്ഞ് 2,262 കോടിയിലെത്തി.

ടാറ്റ മോട്ടോഴ്‌സ്

ടാറ്റ മോട്ടോഴ്‌സിന്റെ ആദ്യ പാദത്തിലെ ഏകീകൃത അറ്റാദായത്തിൽ 63% ഇടിവ്. ഇത് 3,924 കോടി രൂപയായി റിപ്പോർട്ട് ചെയ്തു. കഴിഞ്ഞ വർഷം ഇതേ കാലയളവിൽ ഇത് 10,514 കോടി രൂപയായിരുന്നു.

വോൾട്ടാസ്

കാലാവസ്ഥാ വ്യതിയാനവും വേനൽക്കാല ആവശ്യകത കുറഞ്ഞതും കൂളിംഗ് ഉൽപ്പന്ന വിൽപ്പനയെ സാരമായി ബാധിച്ചതിനാൽ ആദ്യ പാദത്തിൽ വോൾട്ടാസിന്റെ അറ്റാദായത്തിൽ 58% ഇടിവ്. ഇത് 141 കോടി രൂപയായി റിപ്പോർട്ട് ചെയ്തു.

ഐസിഐസിഐ ബാങ്ക്

മെട്രോകളിലും നഗരപ്രദേശങ്ങളിലും സേവിംഗ്സ് അക്കൗണ്ടുകൾക്കുള്ള ശരാശരി മിനിമം ബാലൻസ് നിലവിലെ 10,000 രൂപയിൽ നിന്ന് 50,000 രൂപയായി ഉയർത്തി. ഓഗസ്റ്റ് 1 മുതൽ തുറക്കുന്ന പുതിയ അക്കൗണ്ടുകൾക്കാണ് ഇത് ബാധകമാകുക. സെമി-അർബൻ ശാഖകളിലെ സേവിംഗ്സ് അക്കൗണ്ടുകളുടെ മിനിമം ബാലൻസ് മാനദണ്ഡം നേരത്തെ 5,000 രൂപയിൽ നിന്ന് 25,000 രൂപയായും ഗ്രാമീണ ശാഖകളിലെ സേവിംഗ്സ് അക്കൗണ്ടുകളുടെ മിനിമം ബാലൻസ് മാനദണ്ഡം നേരത്തെ 2,500 രൂപയിൽ നിന്ന് 10,000 രൂപയായും ഉയർത്തി.യിരുന്നു.

എച്ച്പിസിഎൽ, ബിപിസിഎൽ, ഐഒസി

ആഭ്യന്തര എൽപിജി വിൽപ്പനയിൽ ഉണ്ടായ നഷ്ടപരിഹാരത്തിന് മൂന്ന് പൊതുമേഖലാ എണ്ണ വിപണന കമ്പനികൾക്ക് (ഇന്ത്യൻ ഓയിൽ കോർപ്പറേഷൻ, ഭാരത് പെട്രോളിയം കോർപ്പറേഷൻ, ഹിന്ദുസ്ഥാൻ പെട്രോളിയം കോർപ്പറേഷൻ) 30,000 കോടി രൂപയുടെ നഷ്ടപരിഹാരം നൽകാൻ കേന്ദ്ര മന്ത്രിസഭ അംഗീകാരം നൽകി. നഷ്ടപരിഹാരം പന്ത്രണ്ട് ഘട്ടങ്ങളായി നൽകും.

ഐഡിഎഫ്‌സി ഫസ്റ്റ് ബാങ്ക്

പ്ലാറ്റിനം ഇൻവിക്റ്റസ് ബി 2025 ആർ‌എസ്‌സിക്ക്, ഐഡിഎഫ്‌സി ഫസ്റ്റ് ബാങ്കിലെ നിർദ്ദിഷ്ട നിക്ഷേപത്തിന് ആർ‌ബി‌ഐ അനുമതി ലഭിച്ചു.