ഓഹരി വിപണി റെഡില്‍: സെന്‍സെക്‌സ് 77 പോയിന്റ് ഇടിഞ്ഞു

ഇന്ത്യൻ ഓഹരി വിപണി ഇന്ന് നഷ്ടത്തിൽ വ്യാപാരം അവസാനിപ്പിച്ചു. സെൻസെക്സ് 77.26 പോയിന്റ് അഥവാ 0.99 ശതമാനം ഇടിഞ്ഞ്‌ 81,373.75 ലും നിഫ്റ്റി 34.10 പോയിന്റ് അഥവാ 0.14 ശതമാനം ഇടിഞ്ഞ്‌ 24,716.60 ലും വ്യാപാരം അവസാനിപ്പിച്ചു.

സെൻസെക്സ് ഓഹരികൾ ( Top Gainers, Losers )

സെൻസെക്സ് ഓഹരികളിൽ അദാനി പോർട്ട്സ്, മഹീന്ദ്ര & മഹീന്ദ്ര, പവർ ഗ്രിഡ്, എറ്റേണൽ, ഹിന്ദുസ്ഥാൻ യൂണിലിവർ എന്നിവയാണ് ഇന്ന് നേട്ടമുണ്ടാക്കിയത്. അതേസമയം ടെക് മഹീന്ദ്ര, ടാറ്റ സ്റ്റീൽ, ടാറ്റ മോട്ടോഴ്‌സ്, ടൈറ്റൻ, എച്ച്ഡിഎഫ്‌സി ബാങ്ക്, ഇൻഡസ്ഇൻഡ് ബാങ്ക്, ഇൻഫോസിസ്, കൊട്ടക് മഹീന്ദ്ര ബാങ്ക് എന്നി ഓഹരികൾ ഇടിവ് നേരിട്ടു.

സെക്ടര്‍ സൂചിക

സെക്ടര്‍ സൂചികകളിൽ പി‌എസ്‌യു ബാങ്ക്, റിയാലിറ്റി എന്നിവ 2 ശതമാനം വീതം നേട്ടമുണ്ടായപ്പോൾ കൺസ്യൂമർ ഡ്യൂറബിൾസ്, ഐടി, മെറ്റൽ സൂചികകൾ 0.5 ശതമാനം വീതം താഴ്ന്നു. ബി‌എസ്‌ഇ മിഡ്‌ക്യാപ് സൂചിക 0.6 ശതമാനവും സ്‌മോൾക്യാപ് സൂചിക 0.4 ശതമാനവും ഉയർന്നു. ഇന്ത്യ വിക്സ് 6.71 ശതമാനം ഉയർന്ന്‌ 17.16 ൽ എത്തി.

ആഗോള വിപണികൾ

ഏഷ്യൻ വിപണികളിൽ, ജപ്പാനിലെ നിക്കി, ഹോങ്കോങ്ങിലെ ഹാങ് സെങ് എന്നിവ താഴ്ന്ന നിലയിലാണ് ക്ലോസ് ചെയ്തത്, ദക്ഷിണ കൊറിയയിലെ കോസ്പി നേട്ടത്തിൽ ക്ലോസ് ചെയ്തു. ചൈനയിലെ വിപണികൾക്ക്‌ അവധിയായിരുന്നു. യൂറോപ്യൻ വിപണികൾ മധ്യ-സെഷൻ ഇടപാടുകളിൽ താഴ്ന്ന നിലയിലായിരുന്നു വ്യാപാരം. യുഎസ് വിപണികൾ വെള്ളിയാഴ്ച സമ്മിശ്രമായാണ് അവസാനിച്ചത്.

ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയിൽ 3.28 ശതമാനം ഉയർന്ന് ബാരലിന് 64.84 യുഎസ് ഡോളറിലെത്തി. ഡോളറിനെതിരെ രൂപയുടെ മൂല്യം 16 പൈസ ഉയർന്ന് 85.39 എന്ന നിലയിലാണ് വ്യാപാരം അവസാനിപ്പിച്ചത്.