ഓഹരി വിപണിയില്‍ മുന്നേറ്റം; സെന്‍സെക്സ് 400 പോയന്‍റ് നേട്ടത്തില്‍

തുടർച്ചയായ രണ്ടാം ദിവസവും ഇന്ത്യൻ ഓഹരി വിപണി നേട്ടത്തിൽ വ്യാപാരം അവസാനിപ്പിച്ചു. സെൻസെക്സ് 443.79 പോയിന്റ് അഥവാ 0.55 ശതമാനം ഉയർന്ന് 81,442.04 ലും നിഫ്റ്റി 130.70 പോയിന്റ് അഥവാ 0.53 ശതമാനം ഉയർന്ന് 24,750.90 ലും വ്യാപാരം അവസാനിപ്പിച്ചു.

സെൻസെക്സ് ഓഹരികൾ ( Top Gainers, Losers )

സെൻസെക്സ് ഓഹരികളിൽ എറ്റേണൽ 4.50 ശതമാനം ഉയർന്നു. പവർ ഗ്രിഡ്, ഐസിഐസിഐ ബാങ്ക്, റിലയൻസ് ഇൻഡസ്ട്രീസ്, അൾട്രാടെക് സിമന്റ്, അദാനി പോർട്ട്സ്, സൺ ഫാർമ, ഐടിസി, ഹിന്ദുസ്ഥാൻ യൂണിലിവർ എന്നിവയാണ് നേട്ടങ്ങൾ കൈവരിച്ച മറ്റ് ഓഹരികൾ. അതേസമയം ഇൻഡസ്ഇൻഡ് ബാങ്ക്, ആക്സിസ് ബാങ്ക്, ബജാജ് ഫിൻസെർവ്, ബജാജ് ഫിനാൻസ് എന്നി ഓഹരികൾ ഇടിവ് നേരിട്ടു.

സെക്ടര്‍ സൂചിക

സെക്ടര്‍ സൂചികകളിൽ പിഎസ്‌യു ബാങ്ക്, മീഡിയ, ഓട്ടോ എന്നിവ ഒഴികെ മറ്റെല്ലാ മേഖല സൂചികകളും ഇന്ന് നേട്ടത്തിൽ വ്യാപാരം അവസാനിപ്പിച്ചു. നിഫ്റ്റി ഐടി, മെറ്റൽ, ഫാർമ, റിയൽറ്റി സൂചികകൾ 0.5-1.7 ശതമാനം വരെ നേട്ടമുണ്ടാക്കി.

ബിഎസ്ഇ മിഡ്ക്യാപ് സൂചിക 0.4 ശതമാനവും സ്മോൾക്യാപ് സൂചിക 0.65 ശതമാനവും ഉയർന്നു. ഇന്ത്യ വിക്സ് 4.20 ശതമാനം ഇടിഞ്ഞ്‌ 15.08 ൽ എത്തി.

ആഗോള വിപണികൾ

ഏഷ്യൻ വിപണികളിൽ, ദക്ഷിണ കൊറിയയുടെ കോസ്പി, ഷാങ്ഹായുടെ എസ്എസ്ഇ കോമ്പോസിറ്റ് സൂചിക, ഹോങ്കോങ്ങിന്റെ ഹാങ് സെങ് എന്നിവ നേട്ടമുണ്ടാക്കിയപ്പോൾ, ജപ്പാന്റെ നിക്കി 225 സൂചിക താഴ്ന്നു. യൂറോപ്യൻ വിപണികൾ മിഡ്-സെഷൻ ഡീലുകളിൽ ഉയർന്ന നിലയിലായിരുന്നു വ്യാപാരം. ബുധനാഴ്ച യുഎസ് വിപണികൾ സമ്മിശ്രമായി അവസാനിച്ചു..