നേട്ടത്തിൽ ഓഹരി വിപണി; രൂപ ഇടിവിൽ

ഇന്ത്യന്‍ ഓഹരി വിപണി ഇന്ന് നേട്ടത്തിൽ വ്യാപാരം അവസാനിപ്പിച്ചു. സെന്‍സെക്‌സ് 329 പോയിന്റ് ഉയർന്ന് 81,635 ലും നിഫ്റ്റി 97 പോയിന്റ് ഉയർന്ന് 24,967 ലും ക്ലോസ് ചെയ്തു.

സെന്‍സെക്‌സ് ഓഹരികൾ

സെന്‍സെക്‌സ് ഓഹരികളില്‍ ഇൻഫോസിസ്, ടാറ്റ കൺസൾട്ടൻസി സർവീസസ്, എച്ച്‌സി‌എൽ ടെക്, ടെക് മഹീന്ദ്ര, ടാറ്റ മോട്ടോഴ്‌സ്, സൺ ഫാർമ, മാരുതി, ടൈറ്റൻ എന്നിവ നേട്ടമുണ്ടാക്കി. അതേസമയം ഭാരത് ഇലക്ട്രോണിക്സ്, ഏഷ്യൻ പെയിന്റ്സ്, ഭാരതി എയർടെൽ, ഐസിഐസിഐ ബാങ്ക് എന്നിവ നഷ്ടത്തില്‍ വ്യാപാരം അവസാനിപ്പിച്ചു.

സെക്ടര്‍ സൂചികകൾ

സെക്ടര്‍ സൂചികകളില്‍ മീഡിയ, പിഎസ്‌യൂ ബാങ്ക് എന്നിവ ഒഴികെയുള്ള മറ്റെല്ലാ മേഖലകളും ഇന്ന് നേട്ടത്തിലെത്തി. ഐടി സൂചിക 2.37 ശതമാനവും മെറ്റൽ സൂചിക 0.65 ശതമാനവും ഫാർമാ 0.44 ശതമാനവും നേട്ടമുണ്ടാക്കി. ബി‌എസ്‌ഇ മിഡ്‌ക്യാപ്പ് സൂചിക 0.16 ശതമാനം ഉയർന്നപ്പോൾ സ്‌മോൾക്യാപ്പ് സൂചിക 0.18 ശതമാനം താഴ്ന്നു.

ആഗോള വിപണികൾ

ഏഷ്യൻ വിപണികളിൽ, ദക്ഷിണ കൊറിയയുടെ കോസ്പി, ജപ്പാനിലെ നിക്കി 225 സൂചിക, ഷാങ്ഹായുടെ എസ്‌എസ്‌ഇ കോമ്പോസിറ്റ് സൂചിക, ഹോങ്കോങ്ങിന്റെ ഹാങ് സെങ് എന്നിവ നേട്ടത്തിൽ വ്യാപാരം അവസാനിപ്പിച്ചു. യൂറോപ്പിലെ വിപണികൾ താഴ്ന്ന നിലയിലായിരുന്നു വ്യാപാരം. യുഎസ് വിപണികൾ വെള്ളിയാഴ്ച കുത്തനെ ഉയർന്നു. ഡൗ ജോൺസ് വ്യാവസായിക ശരാശരി 1.89 ശതമാനം ഉയർന്നു, നാസ്ഡാക്ക് കോമ്പോസിറ്റ് 1.88 ശതമാനം ഉയർന്നു, എസ് & പി 500 1.52 ശതമാനം ഉയർന്നു..

ക്രൂഡ്/ രൂപ

ആഗോള എണ്ണ മാനദണ്ഡമായ ബ്രെന്റ് ക്രൂഡ് 0.34 ശതമാനം ഉയർന്ന് ബാരലിന് 67.96 യുഎസ് ഡോളറിലെത്തി. ഡോളറിനെതിരെ രൂപയുടെ മൂല്യം ആറ് പൈസ ഇടിഞ്ഞ് 87.58 ൽ ക്ലോസ് ചെയ്തു.