നേട്ടത്തിലെത്തി വിപണി: സെന്‍സെക്‌സ് 300 പോയിന്റ് ഉയർന്നു

ഇന്ത്യന്‍ ഓഹരി വിപണി ഇന്ന് നേട്ടത്തിൽ വ്യാപാരം അവസാനിപ്പിച്ചു. സെന്‍സെക്‌സ് 323 പോയിന്റ് ഉയർന്ന് 81,425 ലും നിഫ്റ്റി 104 പോയിന്റ് ഉയർന്ന് 24,973 ലും ക്ലോസ് ചെയ്തു.

സെന്‍സെക്‌സ് ഓഹരികൾ

നിഫ്റ്റി ഓഹരികളിൽ ഭാരത് ഇലക്ട്രോണിക്സ്, വിപ്രോ, എച്ച്സിഎൽ ടെക്നോളജീസ്, ബജാജ് ഫിനാൻസ്, ടിസിഎസ് എന്നിവ മികച്ച നേട്ടമുണ്ടാക്കിയപ്പോൾ, എം ആൻഡ് എം, ഹീറോ മോട്ടോകോർപ്പ്, ബജാജ് ഓട്ടോ, മാരുതി സുസുക്കി, ടാറ്റ മോട്ടോഴ്സ് എന്നിവ നഷ്ടത്തിൽ അവസാനിച്ചു.

സെക്ടര്‍ സൂചികകൾ

സെക്ടര്‍ സൂചികകളില്‍ ഓട്ടോ, മീഡിയ എന്നിവ ഒഴികെ മറ്റെല്ലാ സൂചികകളും ഇന്ന് നേട്ടത്തിലെത്തി. നിഫ്റ്റി ഐടി സൂചിക 2.6 ശതമാനവും പിഎസ്യു ബാങ്ക് സൂചിക 2.2 ശതമാനവും റിയൽറ്റി സൂചിക 1 ശതമാനവും ഉയർന്നു.

ബിഎസ്ഇ മിഡ്ക്യാപ്, സ്മോൾക്യാപ് സൂചികകൾ 0.7% വീതം ഉയർന്നു.