സെന്‍സെക്‌സിലും നിഫ്റ്റിയിലും ഉണര്‍വ്; വിപണിയില്‍ വന്‍ തിരിച്ചുവരവ്

കഴിഞ്ഞ ദിവസങ്ങളിലെ നഷ്ടത്തിന് ശേഷം വ്യാഴാഴ്ച മിഡ്-സെഷനില്‍ ഇന്ത്യന്‍ ഓഹരി വിപണി ശക്തമായ തിരിച്ചുവരവ് നടത്തി. രൂപയുടെ മൂല്യത്തിലുണ്ടായ വര്‍ധനവും വിദേശ നിക്ഷേപകര്‍ വീണ്ടും ഓഹരികള്‍ വാങ്ങിത്തുടങ്ങിയതുമാണ് വിപണിക്ക് കരുത്തായത്. അമേരിക്ക-ഇന്ത്യ വ്യാപാര കരാറിനെക്കുറിച്ചുള്ള അനിശ്ചിതത്വങ്ങള്‍ക്കിടയിലും ഈ ഉണര്‍വ് ആശ്വാസകരമാണ്. എന്നാലും, ആഗോള സാമ്പത്തിക ആശങ്കകളും യുഎസ് ഫെഡറല്‍ റിസര്‍വിന്റെ പലിശ നിരക്ക് സംബന്ധിച്ച നിലപാടുകളും കാരണം നിക്ഷേപകര്‍ ഇപ്പോഴും ജാഗ്രത പാലിക്കുന്നുണ്ട്.

പ്രധാന സൂചികകള്‍

സെന്‍സെക്‌സ്: ബുധനാഴ്ച 120 പോയിന്റ് (0.14%) താഴ്ന്ന് 84,559.65-ല്‍ ക്ലോസ് ചെയ്തതിന് ശേഷം ഇപ്പോള്‍ നേട്ടത്തിലാണ് വ്യാപാരം തുടരുന്നത്.കഴിഞ്ഞ സെഷനില്‍ 41 പോയിന്റ് (0.16%) ഇടിഞ്ഞ് 25,818.55-ല്‍ അവസാനിച്ച നിഫ്റ്റി ഇപ്പോള്‍ നേരിയ വീണ്ടെടുക്കല്‍ നടത്തുന്നു. കറന്‍സി വ്യതിയാനങ്ങളും ആഗോള സൂചനകളും വിപണിയെ അസ്ഥിരമായി നിലനിര്‍ത്തുന്നു.

മിഡ്ക്യാപ്പ് സൂചിക 0.2% നേട്ടത്തിലാണ്. എന്നാല്‍ സ്‌മോള്‍ക്യാപ്പ് സൂചിക 0.2% ഇടിവ് നേരിടുന്നുണ്ട്. മിഡ്ക്യാപ്പ് ഓഹരികളിൽ റെസിസ്റ്റൻസ് കാണാം. അതേസമയം ചില സ്‌മോള്‍ക്യാപ്പുകളില്‍ ലാഭമെടുപ്പ് തുടരുന്നു.

നിഫ്റ്റി 50 സാങ്കേതിക അവലോകനം

ചാര്‍ട്ടിലെ ട്രെന്‍ഡ്ലൈന്‍ സൂചിപ്പിക്കുന്നത് നിഫ്റ്റി 50 ഒരു ഹ്രസ്വകാല ഇടിവിലാണെന്നാണ്. താഴ്ന്ന നിലവാരത്തില്‍ നിന്ന് തിരിച്ചു കയറുന്ന സൂചിക ഇപ്പോള്‍ 25,890-26,000 ലെവലിൽ തടസം നേരിടുന്നു. ഈ നിലവാരത്തിന് താഴെ തുടരുന്നത് വരെ വിപണിയില്‍ ജാഗ്രത തുടരണം. താഴെ വ25,750-25,780 എന്ന ലെവൽ നിര്‍ണ്ണായകമായ സപ്പോര്‍ട്ട് മേഖലയാണ്; ഇതിന് താഴേക്ക് പോയാല്‍ ഇടിവ് ശക്തമായേക്കാം. എന്നാല്‍ 26,000-ലെവലിന് മുകളിലേക്ക് കടന്നാല്‍ വിപണിയില്‍ ഹ്രസ്വകാല കുതിപ്പിന് സാധ്യതയുണ്ട്.

സെക്ടറുകളുടെ പ്രകടനം

നേട്ടമുണ്ടാക്കിയ ഓഹരികളിൽ കണ്‍സ്യൂമര്‍ ഡ്യൂറബിള്‍സ്, റിയല്‍റ്റി, ഐടി, മെറ്റല്‍സ്, പ്രൈവറ്റ് ബാങ്കുകള്‍, പിഎസ്യു ബാങ്കുകള്‍ എന്നിവ 0.31% നേട്ടമുണ്ടാക്കി. ബാങ്കിംഗ് ഓഹരികളിലെ താല്‍പര്യമാണ് ഇതിന് കാരണം. നഷ്ടം നേരിട്ട ഓഹരികളിൽ ഓട്ടോ, മീഡിയ, ഓയില്‍ & ഗ്യാസ്, ക്യാപിറ്റല്‍ ഗുഡ്സ് എന്നീ ഓഹരികളുണ്ട്. 0.21 ശതമാനമാണ് ഇടിവ്.

ശ്രദ്ധേയമായ ഓഹരി

ടാറ്റ മോട്ടോഴ്സ് സിവി .നവംബറിലെ ഡിമെര്‍ജറിന് ശേഷമുള്ള ഏറ്റവും ഉയര്‍ന്ന നിലവാരത്തിലെത്തിയ ഓഹരി വില 5 ശതമാനത്തിലധികം വര്‍ധിച്ചു. ജെപി മോര്‍ഗന്‍, ബോഫ സെക്യൂരിറ്റീസ് എന്നിവര്‍ ഈ കൊമേഴ്സ്യല്‍ വെഹിക്കിള്‍ ബിസിനസ്സില്‍ അനുകൂലമായ റിപ്പോര്‍ട്ടുകള്‍ നല്‍കിയതാണ് കുതിപ്പിന് കാരണം.

വിപണി ഔട്ട്ലുക്ക്

അമേരിക്ക-ഇന്ത്യ വ്യാപാര ചര്‍ച്ചകള്‍, എഫ്ഐഐ ഒഴുക്ക്, കറന്‍സി മൂല്യം എന്നിവ നിരീക്ഷിക്കുന്നതിനാല്‍ വിപണി വരും ദിവസങ്ങളില്‍ ഒരു നിശ്ചിത പരിധിക്കുള്ളില്‍ തുടരാനാണ് സാധ്യത. ബാങ്കുകളിലും തിരഞ്ഞെടുത്ത വ്യവസായ ഓഹരികളിലും ശ്രദ്ധ കേന്ദ്രീകരിച്ചുള്ള നീക്കങ്ങള്‍ വിപണിയില്‍ പ്രകടമായേക്കാം.