കുതിപ്പിന് ബ്രേക്ക്: സെന്‍സെക്‌സ് 300 പോയിന്റ് ഇടിഞ്ഞു, രൂപയ്ക്ക് നേട്ടം

ഇന്ത്യൻ ഓഹരി വിപണി ഇന്ന് നഷ്ടത്തിൽ വ്യാപാരം അവസാനിപ്പിച്ചു. സെൻസെക്സ് 345 പോയിന്റ് ഇടിഞ്ഞ് 83,190 ലും നിഫ്റ്റി 120 പോയിന്റ് ഇടിഞ്ഞ് 25,355 ലും ക്ലോസ് ചെയ്തു

സെൻസെക്സ് ഓഹരികൾ ( Top Gainers, Losers )

സെൻസെക്സ് ഓഹരികളിൽ ഭാരതി എയർടെൽ, ഏഷ്യൻ പെയിന്റ്സ്, ഇൻഫോസിസ്, ഭാരത് ഇലക്ട്രോണിക്സ്, ടെക് മഹീന്ദ്ര, എറ്റേണൽ എന്നിവ ഇടിവ് രേഖപ്പെടുത്തി. അതേസമയം മാരുതി, ടാറ്റ സ്റ്റീൽ, ബജാജ് ഫിനാൻസ്, ബജാജ് ഫിൻസെർവ്, ട്രെന്റ്, ടാറ്റ കൺസൾട്ടൻസി സർവീസസ് എന്നിവ നേട്ടമുണ്ടാക്കി.

സെക്ടര്‍ സൂചിക

സെക്ടര്‍ സൂചികകളിൽ നിഫ്റ്റി ഐടി,എഫ്എംസിജി, മീഡിയ, ഫാര്‍മ എന്നിവ 0.55 ശതമാനം വീതം താഴ്ന്നപ്പോൾ, മെറ്റൽ, റിയൽറ്റി എന്നിവ 0.42- 0.72 ശതമാനം ഉയർന്നു. നിഫ്റ്റി മിഡ്‌ക്യാപ് സൂചിക .29 ശതമാനവും സ്‌മോൾക്യാപ് സൂചിക 0.28 ശതമാനവും ഇടിഞ്ഞു.

ആഗോള വിപണികൾ

ഏഷ്യൻ വിപണികളിൽ, ദക്ഷിണ കൊറിയയുടെ കോസ്പി, ഷാങ്ഹായിലെ എസ്എസ്ഇ കോമ്പോസിറ്റ് സൂചിക, ഹോങ്കോങ്ങിന്റെ ഹാങ് സെങ് എന്നിവ ഉയർന്ന നിലയിൽ ക്ലോസ് ചെയ്തപ്പോൾ, ജപ്പാന്റെ നിക്കി 225 സൂചിക താഴ്ന്ന നിലയിൽ ക്ലോസ് ചെയ്തു. യൂറോപ്യൻ വിപണികൾ കൂടുതലും ഉയർന്ന നിലയിലായിരുന്നു വ്യാപാരം. ബുധനാഴ്ച യുഎസ് വിപണികൾ നേട്ടത്തിലാണ് വ്യാപാരം അവസാനിച്ചത്.

ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയിൽ 0.27 ശതമാനം ഇടിഞ്ഞ് ബാരലിന് 70 ഡോളറിലെത്തി. യുഎസ് ഡോളറിനെതിരെ രൂപയുടെ മൂല്യം 4 പൈസ ഉയർന്ന് 85.69 ൽ എത്തി.