ഓഹരി വിപണി റെഡില്‍, സെന്‍സെക്‌സ് 200 പോയിന്റ് ഇടിഞ്ഞു

ഇന്ത്യൻ ഓഹരി വിപണി ഇന്ന് നഷ്ടത്തിൽ വ്യാപാരം അവസാനിപ്പിച്ചു. സെൻസെക്സ് 182.01 പോയിന്റ് അഥവാ 0.22 ശതമാനം ഇടിഞ്ഞ് 81,451.01 ലും നിഫ്റ്റി 82.90 പോയിന്റ് അഥവാ 0.33 ശതമാനം ഇടിഞ്ഞ് 24,750.70 ലും ക്ലോസ് ചെയ്തു.

സെൻസെക്സ് ഓഹരികൾ ( Top Gainers, Losers )

സെൻസെക്സ് ഓഹരികളിൽ ടെക് മഹീന്ദ്ര 1.73 ശതമാനം ഇടിഞ്ഞു. എച്ച്‌സിഎൽ ടെക്, ഏഷ്യൻ പെയിന്റ്സ്, എൻ‌ടി‌പി‌സി, ഇൻഫോസിസ്, നെസ്‌ലെ, സൺ ഫാർമ, ടാറ്റ സ്റ്റീൽ എന്നിവയും നഷ്ടത്തിൽ ക്ലോസ് ചെയ്തു. അതേസമയം എറ്റേണൽ, സ്റ്റേറ്റ് ബാങ്ക് ഓഫ് ഇന്ത്യ, എച്ച്‌ഡി‌എഫ്‌സി ബാങ്ക്, ലാർസൻ & ട്യൂബ്രോ, റിലയൻസ് ഇൻഡസ്ട്രീസ്, ബജാജ് ഫിൻ‌സെർവ് എന്നിവ നേട്ടമുണ്ടാക്കി.

സെക്ടര്‍ സൂചിക

സെക്ടര്‍ സൂചികകളിൽ പിഎസ്‌യൂ ബാങ്ക് സൂചിക മാത്രമാണ് ഇന്ന് നേട്ടമുണ്ടാക്കിയത്. സൂചിക 2.88 ശതമാനം ഉയർന്നു. അതേസമയം നിഫ്റ്റി മെറ്റൽ 1.68 ശതമാനവും, ഐടി 1.14 ശതമാനവും ഇടിവ് നേരിട്ടു.

ബി‌എസ്‌ഇ മിഡ്‌ക്യാപ്പ് സൂചിക 0.39 ശതമാനം ഇടിഞ്ഞപ്പോൾ സ്മോൾക്യാപ്പ് സൂചിക 0.17 ശതമാനം ഉയർന്നു. ഇന്ത്യ വിക്സ് 2.08 ശതമാനം ഇടിഞ്ഞ് 16.08 ൽ എത്തി.

ആഗോള വിപണികൾ

ഏഷ്യൻ വിപണികളിൽ, ദക്ഷിണ കൊറിയയുടെ കോസ്പി, ജപ്പാനിലെ നിക്കി 225 സൂചിക, ഷാങ്ഹായുടെ എസ്എസ്ഇ കോമ്പോസിറ്റ് സൂചിക, ഹോങ്കോങ്ങിന്റെ ഹാങ് സെങ് എന്നിവ നഷ്ടത്തിൽ അവസാനിച്ചു. യൂറോപ്പിലെ വിപണികൾ ഉയർന്ന നിലയിലായിരുന്നു വ്യാപാരം. യുഎസ് വിപണികൾ വ്യാഴാഴ്ച നേട്ടത്തിൽ അവസാനിച്ചു.

ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയിൽ വില 0.44 ശതമാനം ഉയർന്ന് ബാരലിന് 64.43 ഡോളറിലെത്തി.