രൂപക്ക്‌ 6 പൈസയുടെ നേട്ടം; തിരിച്ചുവന്ന് ഓഹരി വിപണി

ഇന്ത്യൻ ഓഹരി വിപണി ഇന്ന് നേട്ടത്തിൽ വ്യാപാരം അവസാനിപ്പിച്ചു. സെൻസെക്സ് 123.42 പോയിന്റ് അഥവാ 0.15 ശതമാനം ഉയര്‍ന്ന്‌ 82,3515.14 ൽ ക്ലോസ് ചെയ്തു. നിഫ്റ്റി 37.15 പോയിന്റ് നേട്ടത്തോടെ 25,141.40 ൽ അവസാനിച്ചു.

സെൻസെക്സ് ഓഹരികൾ ( Top Gainers, Losers )

സെൻസെക്സ് ഓഹരികളിൽ പവർ ഗ്രിഡ്, അദാനി പോർട്ട്‌സ്, ഇൻഡസ്ഇൻഡ് ബാങ്ക്, നെസ്‌ലെ, എച്ച്‌ഡി‌എഫ്‌സി ബാങ്ക്, ഹിന്ദുസ്ഥാൻ യൂണിലിവർ എന്നിവ ഇടിവ് രേഖപ്പെടുത്തിയപ്പോൾ എച്ച്‌സി‌എൽ ടെക്, ഇൻഫോസിസ്, ടെക് മഹീന്ദ്ര, റിലയൻസ് ഇൻഡസ്ട്രീസ്, ബജാജ് ഫിൻ‌സെർവ്, ഐസിഐസിഐ ബാങ്ക്, ടാറ്റ മോട്ടോഴ്‌സ്, എറ്റേണൽ എന്നിവ നേട്ടമുണ്ടാക്കി.

സെക്ടര്‍ സൂചിക

സെക്ടര്‍ സൂചികകളിൽ എഫ്എംസിജി, പവർ, പിഎസ്‌യു ബാങ്ക് എന്നിവ 0.5-1 ശതമാനം ഇടിഞ്ഞു, അതേസമയം ഓയിൽ & ഗ്യാസ്, ഫാർമ, ഐടി എന്നിവ 0.5-1.2 ശതമാനം ഉയർന്നു. നിഫ്റ്റി മിഡ്‌ക്യാപ്, സ്‌മോൾക്യാപ് സൂചികകൾ 0.50 ശതമാനം ഇടിഞ്ഞു.

ആഗോള വിപണികൾ

ഏഷ്യൻ വിപണികളിൽ, ദക്ഷിണ കൊറിയയുടെ കോസ്പി, ജപ്പാനിലെ നിക്കി 225 സൂചിക, ഷാങ്ഹായുടെ എസ്എസ്ഇ കോമ്പോസിറ്റ് സൂചിക, ഹോങ്കോങ്ങിന്റെ ഹാങ് സെങ് എന്നിവ നേട്ടത്തിൽ വ്യാപാരം നടത്തി. യൂറോപ്യൻ ഇക്വിറ്റി വിപണികൾ ഉയർന്ന നിലയിൽ വ്യാപാരം നടത്തി. യുഎസ് വിപണികൾ ചൊവ്വാഴ്ച ഉയർന്ന നിലയിൽ ക്ലോസ് ചെയ്തു.

ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയിൽ 0.43 ശതമാനം ഉയർന്ന് ബാരലിന് 67.16 ഡോളറിലെത്തി. യുഎസ് ഡോളറിനെതിരെ രൂപ 6 പൈസ ഉയർന്ന് 85.51 ൽ ക്ലോസ് ചെയ്തു.