52 ആഴ്ച്ചയിലെ ഉയർന്ന വിലയിൽ വണ്ടർലായും, ജിയോജിത്തും

ഒക്ടോബർ 30-ലെ വ്യാപാരം അവസാനിക്കുമ്പോൾ വണ്ടർലാ ഹോളിഡേയ്‌സ് ഇടവ്യാപാരത്തിൽ 52 ആഴ്ച്ചയിലെ ഉയർന്ന വിലയായ 894.7 രൂപയിൽ തൊട്ടു. ഒക്ടോബർ 27-ലെ ക്ലോസിങ് പ്രൈസായ 842.2 രൂപയിൽ നിന്നും 2.14 ശതമാനം ഉയർന്ന് 860.25 രൂപയിൽ ഓഹരികൾ വ്യാപാരം അവസാനിപ്പിച്ചു.

കേരളം ആസ്ഥാനമായി പ്രവർത്തിക്കുന്ന ജിയോജിത് ഓഹരികളും 52 ആഴ്ച്ചയിലെ ഉയർന്ന വിലയിൽ. വ്യാപാരമധ്യേ 52 ആഴ്ച്ചയിലെ ഉയർന്ന വിലയായ 61.9 രൂപയിൽ ഓഹരികൾ എത്തിയിരുന്നു. വ്യാപാരവസാനം മുൻ ദിവസത്തെ ക്ലോസിങ് പ്രൈസായ 58.7 രൂപയിൽ നിന്നും 0.51 ശതമാനം ഉയർന്ന് 59 രൂപയിൽ ഓഹരികൾ ക്ലോസ് ചെയ്തു.

കൊച്ചിൻ ഷിപ്യാർഡ് ഓഹരികൾ 2.85 ശതമാനത്തിന്റെ ഇടിവാണ് ഇന്ന് രേഖപ്പെടുത്തിയത്. മുൻദിവസത്തെ ക്ലോസിങ് പ്രൈസായ 986.35 രൂപയിൽ നിന്നും 2.85 ശതമാനം താഴ്ന്ന് 958.25 രൂപയിൽ ക്ലോസ് ചെയ്തു.

ഫാക്ട് ഓഹരികൾ ഇന്ന് 1.84 ശതമാനം ഉയർച്ച രേഖപ്പെടുത്തി. മുൻ ദിവസത്തെ 674.95 രൂപയിൽ ഉയർന്ന് 687.35 രൂപയിൽ വ്യാപാരം നിർത്തി.

ബാങ്കിങ് മേഖലയിൽ നിന്ന് സിഎസ്ബി ബാങ്ക് 3.48 ശതമാനവും ഫെഡറൽ ബാങ്ക് 0.97 ശതമാനവും ഉയന്നപ്പോൾ സൗത്ത് ഇന്ത്യൻ ബാങ്ക് മറ്റൊങ്ങളൊന്നുമില്ലാതെ ഒക്ടോബർ 27-ലെ ക്ലോസിങ് പ്രൈസായ 24.25 രൂപയിൽ തന്നെ ഇന്നും വ്യാപാരം അവസാനിപ്പിച്ചു. ധനലക്ഷ്മി ബാങ്ക് ഓഹരികൾ 1.71 ശതമാനത്തിന്റെ ഇടിവിലാണ് ക്ലോസ് ചെയ്തത്.

വി-ഗാർഡ്, ജിയോജിത് കമ്പനികളുടെ രണ്ടാം പാദഫലം ഒക്ടോബർ 31-ന് പ്രഖ്യാപിക്കും. വി-ഗാർഡ് ഓഹരികൾ ഇന്ന് 1.32 ശതമാനത്തിന്റെ ഇടിവിലാണ് വ്യാപാരം അവസാനിപ്പിച്ചത്.