Login 
പഠിക്കാം & സമ്പാദിക്കാം 
Home
11 May 2022 12:41 PM IST
Summary
ഡെല്‍ഹി : തുടര്‍ച്ചയായ രണ്ടാം ദിനവും ഡോളറിനെതിരെ രൂപയുടെ മൂല്യത്തില്‍ നേരിയ ഉയര്‍ച്ച. ഇന്ന് രൂപയുടെ മൂല്യം 10 പൈസ ഉയര്‍ന്ന് 77.24ല്‍ എത്തി. ഇന്റര്‍ബാങ്ക് ഫോറക്സ് വിപണിയില്‍ ഡോളറിനെതിരെ 77.24 എന്ന നിലയിലാണ് ഇന്ന് വ്യാപാരം ആരംഭിച്ചത്. വ്യാപാരത്തിനിടെ ഒരു ഘട്ടത്തില്‍ രൂപയുടെ മൂല്യം 77.31 എന്ന നിലയിലേക്ക് താണിരുന്നു. വ്യാപാരം അവസാനിച്ചപ്പോള്‍ രൂപയുടെ മൂല്യം മുന്‍ സെഷനേക്കാള്‍ 10 പൈസ ഉയര്‍ന്ന് 77.24ല്‍ എത്തി. ചൊവ്വാഴ്ച്ച ഡോളറിനെതിരെ രൂപയുടെ മൂല്യം 12 പൈസ ഉയര്‍ന്ന് […]
ഡെല്‍ഹി : തുടര്‍ച്ചയായ രണ്ടാം ദിനവും ഡോളറിനെതിരെ രൂപയുടെ മൂല്യത്തില്‍ നേരിയ ഉയര്‍ച്ച. ഇന്ന് രൂപയുടെ മൂല്യം 10 പൈസ ഉയര്‍ന്ന് 77.24ല്‍ എത്തി. ഇന്റര്‍ബാങ്ക് ഫോറക്സ് വിപണിയില്‍ ഡോളറിനെതിരെ 77.24 എന്ന നിലയിലാണ് ഇന്ന് വ്യാപാരം ആരംഭിച്ചത്. വ്യാപാരത്തിനിടെ ഒരു ഘട്ടത്തില്‍ രൂപയുടെ മൂല്യം 77.31 എന്ന നിലയിലേക്ക് താണിരുന്നു. വ്യാപാരം അവസാനിച്ചപ്പോള്‍ രൂപയുടെ മൂല്യം മുന്‍ സെഷനേക്കാള്‍ 10 പൈസ ഉയര്‍ന്ന് 77.24ല്‍ എത്തി.
ചൊവ്വാഴ്ച്ച ഡോളറിനെതിരെ രൂപയുടെ മൂല്യം 12 പൈസ ഉയര്‍ന്ന് 77.32ല്‍ എത്തിയിരുന്നു. 2021-22 സാമ്പത്തിക വര്‍ഷത്തില്‍ ഡോളറിനെതിരെ രൂപയുടെ മൂല്യം 264 പൈസയാണ് (3.61 %) ഇടിഞ്ഞത്. സെന്‍സെക്സ് 276 പോയിന്റ് താഴ്ന്ന് 54,088 ലെത്തി.
നിഫ്റ്റി 72.95 പോയിന്റ് നഷ്ടത്തില്‍ 16,167ലും വ്യാപാരം അവസാനിപ്പിച്ചു. അന്താരാഷ്ട്ര ബ്രെന്റ് ക്രൂഡ് വില ബാരലിന് 106.3 ഡോളറായി. ഓഹരി വിപണിയില്‍ നിന്നുള്ള റിപ്പോര്‍ട്ട് പ്രകാരം വിദേശ നിക്ഷേപകര്‍ 3,960.59 കോടി രൂപയാണ് വിപണിയില്‍ നിന്നും കഴിഞ്ഞ ദിവസം പിന്‍വലിച്ചത്.