സുസ്ലോണ്‍ എനര്‍ജി: സംയോജിത അറ്റാദായത്തിൽ അഞ്ച് മടങ്ങ് വർധന

മാർച്ച് പാദത്തിൽ സുസ്‌ലോൺ എനർജിയുടെ സംയോജിത അറ്റാദായം അഞ്ച് മടങ്ങ് വർധിച്ച് 1,181 കോടി രൂപയായി. 2024 മാർച്ചിൽ അവസാനിച്ച സമാന പാദത്തിൽ 254 കോടി രൂപയായിരുന്നു സംയോജിത അറ്റാദായം. ഈ പാദത്തിൽ കമ്പനിയുടെ മൊത്തം വരുമാനം കഴിഞ്ഞ വർഷത്തെ സമാന പാദത്തിലെ 2,207.43 കോടി രൂപയിൽ നിന്ന് 3,825.19 കോടി രൂപയായി ഉയർന്നു.

2024-25 കാലയളവിൽ, സംയോജിത അറ്റാദായം കഴിഞ്ഞ സാമ്പത്തിക വർഷത്തിലെ 660 കോടി രൂപയിൽ നിന്ന് 2,072 കോടി രൂപയായി ഉയർന്നു. കഴിഞ്ഞ സാമ്പത്തിക വർഷത്തെ മൊത്തം വരുമാനം മുൻ വർഷത്തെ 6,567.51 കോടി രൂപയിൽ നിന്ന് 10,993.13 കോടി രൂപയായി ഉയർന്നു.