ജിഎസ്ടി പരിഷ്‌കരണം ഗാര്‍ഹിക ബജറ്റ് ഭാരം ലഘൂകരിക്കുമെന്ന് റിപ്പോര്‍ട്ട്

ഇന്ത്യയിലെ പുതുക്കിയ ജിഎസ്ടി നിരക്കുകള്‍ ഗാര്‍ഹിക ബജറ്റ് സമ്മര്‍ദ്ദങ്ങള്‍ ലഘൂകരിക്കുമെന്നും ഇത് ഉപഭോക്തൃ വികാരം വര്‍ദ്ധിപ്പിക്കുമെന്നും പ്രതീക്ഷിക്കുന്നതായി പിഡബ്ല്യുസി റിപ്പോര്‍ട്ട്. ദൈനംദിന ചെലവുകള്‍ കൂടുതല്‍ കൈകാര്യം ചെയ്യാവുന്നതാക്കുക എന്നതാണ് നിരക്ക് ക്രമീകരണങ്ങളുടെ ലക്ഷ്യം.

പണം ലാഭിക്കുന്നതിനായി ഷോപ്പിംഗ് ശീലങ്ങളില്‍ ജനങ്ങള്‍ മാറ്റം വരുത്തുന്നു. ഈ അസ്ഥിരമായ വിലനിര്‍ണയ കാലഘട്ടത്തില്‍ ഉപഭോക്താക്കളെ നിലനിര്‍ത്താന്‍ ബ്രാന്‍ഡുകള്‍ പ്രമോഷനുകളും ലോയല്‍റ്റി പ്രോഗ്രാമുകളും വാഗ്ദാനം ചെയ്യണമെന്നും റിപ്പോര്‍ട്ട് നിര്‍ദ്ദേശിക്കുന്നു.

ഭക്ഷ്യവസ്തുക്കളുടെ വിലക്കയറ്റത്തില്‍ ഏകദേശം 63 ശതമാനം ഉപഭോക്താക്കളും ആശങ്ക പ്രകടിപ്പിച്ചിട്ടുണ്ട്. കൂടാതെ, പ്രതികരിച്ചവരില്‍ 44 ശതമാനം പേര്‍ സാധനങ്ങള്‍ മൊത്തമായി വാങ്ങുന്നു. അതുപോലെ നിരവധിപേര്‍ പച്ചക്കറികളും പഴങ്ങളും കൃഷി ചെയ്യുന്നതിലേക്ക് തിരിഞ്ഞിട്ടുണ്ടെന്നും റിപ്പോര്‍ട്ട് കൂട്ടിച്ചേര്‍ത്തു.

ഭക്ഷണച്ചെലവിനെക്കുറിച്ച് ആശങ്കാകുലരായവരില്‍ പകുതിയോളം പേരും ഷോപ്പിംഗ് ശീലങ്ങളില്‍ മാറ്റം വരുത്തുകയും, ബജറ്റ് വര്‍ദ്ധിപ്പിക്കുന്നതിനായി വ്യത്യസ്ത സ്റ്റോറുകള്‍, ഡിസ്‌കൗണ്ട് ഔട്ട്‌ലെറ്റുകള്‍, പ്രൊമോഷണല്‍ ഡീലുകള്‍ എന്നിവ തിരഞ്ഞെടുക്കുകയും ചെയ്യുന്നു.

റിപ്പോര്‍ട്ടിലെ 74 ശതമാനം ഉപഭോക്താക്കളും തങ്ങളുടെ ഭക്ഷണ തിരഞ്ഞെടുപ്പുകള്‍ സാംസ്‌കാരിക പൈതൃകത്തിലും ദീര്‍ഘകാല പാരമ്പര്യങ്ങളിലും ആഴത്തില്‍ വേരൂന്നിയതാണെന്ന് പ്രസ്താവിച്ചു. സംസ്‌കാരം, പാരമ്പര്യം, നൊസ്റ്റാള്‍ജിയ എന്നിവയെ ആകര്‍ഷിക്കുന്ന ഫങ്ഷണല്‍ ഹെറിറ്റേജ് ഭക്ഷണങ്ങള്‍ നല്‍കുന്ന കമ്പനികള്‍ക്ക് മുന്‍തൂക്കം ലഭിക്കുമെന്ന് ഇത് സൂചിപ്പിക്കുന്നു.

മുമ്പ് പച്ചക്കറി വിലയിലും ഭക്ഷ്യവിലക്കയറ്റത്തിലും ഏറ്റക്കുറച്ചിലുകള്‍ നേരിട്ട കുടുംബങ്ങള്‍ക്ക് ജിഎസ്ടി ഇളവ് പ്രധാനമാണെന്നും റിപ്പോര്‍ട്ട് പറയുന്നു.