Login 
പഠിക്കാം & സമ്പാദിക്കാം 
Home
7 Sept 2025 3:29 PM IST
Summary
ഈ മാസം അവസാനമോ ഒക്ടോബര്‍ ആദ്യമോ പാന്‍-ഇന്ത്യ ഡ്രൈവ് ആരംഭിക്കും
ബീഹാറില്‍ അടുത്തിടെ നടത്തിയ നടപടിക്രമങ്ങള്‍ അനുകരിച്ചുകൊണ്ട്, രാജ്യവ്യാപകമായി ഒരു പ്രത്യേക തീവ്രമായ വോട്ടര്‍ പട്ടിക പരിഷ്‌കരണം ആരംഭിക്കാന്‍ തിരഞ്ഞെടുപ്പ് കമ്മീഷന് തയ്യാറെടുക്കുകയാണെന്ന് റിപ്പോര്‍ട്ട്. ഈ മാസം അവസാനമോ ഒക്ടോബര്‍ ആദ്യമോ പാന്‍-ഇന്ത്യ ഡ്രൈവ് ആരംഭിക്കും. 2026 ജനുവരി 1 യോഗ്യതാ തീയതിയായി കണക്കാക്കി വാര്‍ഷിക വോട്ടര്‍ പട്ടിക സംഗ്രഹ പരിഷ്‌കരണവുമായി ഇത് പൊരുത്തപ്പെടുമെന്നും പ്രതീക്ഷിക്കുന്നു.
സെപ്റ്റംബര്‍ 10 ന് എല്ലാ സംസ്ഥാനങ്ങളില്‍ നിന്നും കേന്ദ്രഭരണ പ്രദേശങ്ങളില്‍ നിന്നുമുള്ള മുഖ്യ തിരഞ്ഞെടുപ്പ് ഓഫീസര്‍മാരുടെ യോഗം വിളിക്കാനും കമ്മീഷന് തീരുമാനിച്ചു. നിലവിലെ വോട്ടര്‍മാരുടെ എണ്ണം, അവസാന പരിഷ്‌കരണത്തില്‍ നിന്നുള്ള ഡാറ്റ, പട്ടികകളുടെ ഡിജിറ്റൈസേഷന്‍, സിഇഒ വെബ്സൈറ്റുകളില്‍ അപ്ലോഡ് ചെയ്യല്‍ എന്നിവ ഉള്‍പ്പെടെയുള്ള കാര്യങ്ങള്‍ യോഗം അന്തിമമാക്കും.
പോളിംഗ് സ്റ്റേഷനുകളില്‍ പരമാവധി വോട്ടര്‍മാരുടെ എണ്ണം 1,200 ആയി പരിമിതപ്പെടുത്തുന്നതിനെക്കുറിച്ചും ഇലക്ടറല്‍ രജിസ്‌ട്രേഷന്‍ ഓഫീസര്‍മാര്‍, അധിക ഇആര്‍ഒ, ബൂത്ത് ലെവല്‍ ഓഫീസര്‍മാര്‍ എന്നിവരുടെ സന്നദ്ധത വിലയിരുത്തുന്നതിനെക്കുറിച്ചും ഇസിഐ അഭിപ്രായങ്ങള്‍ തേടും.
പരിഷ്‌ക്കരണം ഇതിനകം നടപ്പാക്കിയ നടത്തിയിട്ടുള്ള ബീഹാര്‍ ഒഴികെയുള്ള എല്ലാ സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും വോട്ടര്‍മാര്‍, ഒപ്പിട്ട ഫോമുകള്‍ പൂരിപ്പിച്ച് സമര്‍പ്പിക്കേണ്ടതുണ്ട്. കമ്മീഷന്റെ ഉത്തരവില്‍ പറഞ്ഞിരിക്കുന്ന മാനദണ്ഡങ്ങളെ ആശ്രയിച്ച്, ചിലര്‍ക്ക് അനുബന്ധ രേഖകളില്ലാതെ തന്നെ അങ്ങനെ ചെയ്യാന്‍ കഴിയും.
തുടക്കത്തില്‍, 2026 ഏപ്രിലില്‍ തെരഞ്ഞെടുപ്പ് നടക്കുന്ന അസം, പശ്ചിമ ബംഗാള്‍, തമിഴ്നാട്, കേരളം, പുതുച്ചേരി എന്നീ സംസ്ഥാനങ്ങളും ഒരു കേന്ദ്രഭരണ പ്രദേശവും അടുത്തതായി പരിഷ്‌ക്കരണത്തിന് വിധേയമാകുമെന്ന് അനുമാനിക്കപ്പെട്ടിരുന്നു. എന്നാല്‍ പ്രക്രിയ രാജ്യവ്യാപകമായി നടത്താനാണ് ഇപ്പോള്‍ കമ്മീഷന് താല്‍പ്പര്യം.
പരിഷ്‌ക്കരണം ഒരു മാസത്തിനുള്ളില്‍ പൂര്‍ത്തിയാകും. തുടര്‍ന്ന് അതിന്റെ കരട് പ്രസിദ്ധീകരിക്കും. അഭിപ്രായവ്യത്യാസങ്ങള്‍ പരിഹരിക്കാന്‍ ഒരുമാസം സമയവുണ്ടാകും.
എല്ലാ സംസ്ഥാനങ്ങള്‍ക്കും കേന്ദ്രഭരണ പ്രദേശങ്ങള്‍ക്കും വേണ്ടിയുള്ള അന്തിമ പട്ടികകള്‍ 2026 ജനുവരി ആദ്യം പ്രതീക്ഷിക്കുന്നു. 2025 ജനുവരി 1 യോഗ്യതാ തീയതിയായി നിശ്ചയിച്ച കഴിഞ്ഞ വര്‍ഷത്തെ വാര്‍ഷിക സംഗ്രഹ പരിഷ്‌കരണം 2024 ഒക്ടോബര്‍ 29 ന് ആരംഭിച്ചിരുന്നു.