Login 
പഠിക്കാം & സമ്പാദിക്കാം 
Home
8 March 2024 3:14 PM IST
Summary
- 2006-ല്‍ പദ്മശ്രീ പുരസ്‌കാരം ലഭിച്ചു
- 2023-ല്‍ പദ്മഭൂഷണ്‍ പുരസ്‌കാരവും ലഭിച്ചു
- രാഷ്ട്രപതി 12 അംഗങ്ങളെയാണു പാര്‍ലമെന്റിന്റെ ഉപരിസഭയിലേക്ക് നാമനിര്‍ദ്ദേശം ചെയ്യുന്നത്
സാമൂഹിക പ്രവര്‍ത്തകയും എഴുത്തുകാരിയുമായ സുധാ മൂര്‍ത്തിയെ രാഷ്ട്രപതി ദ്രൗപതി മുര്‍മു രാജ്യസഭയിലേക്ക് നാമനിര്‍ദേശം ചെയ്തു.
ഇക്കാര്യം പ്രധാനമന്ത്രി നരേന്ദ്ര മോദി അദ്ദേഹത്തിന്റെ എക്‌സ് പ്ലാറ്റ്‌ഫോമിലൂടെ അറിയിച്ചു.
' സുധാ മൂര്‍ത്തിയെ രാഷ്ട്രപതി രാജ്യസഭയിലേക്ക് നാമനിര്‍ദേശം ചെയ്തതില്‍ എനിക്ക് സന്തോഷമുണ്ട്. സാമൂഹ്യപ്രവര്‍ത്തനം, ജീവകാരുണ്യപ്രവര്‍ത്തനം, വിദ്യാഭ്യാസം തുടങ്ങിയ വിവിധ മേഖലകളിലെ സുധാ ജിയുടെ സംഭാവനകള്‍ വളരെ വലുതും പ്രചോദനാത്മകവുമാണ് ' മോദി കുറിച്ചു.
73-കാരിയായ സുധാ മൂര്‍ത്തി ഇന്‍ഫോസിസ് സ്ഥാപകന്‍ എന്‍.ആര്‍. നാരായണമൂര്‍ത്തിയുടെ ഭാര്യയാണ്.
2006-ല്‍ പദ്മശ്രീ പുരസ്‌കാരം ലഭിച്ചു. 2023-ല്‍ പദ്മഭൂഷണ്‍ പുരസ്‌കാരവും ലഭിച്ചു.
കല, സാഹിത്യം, ശാസ്ത്രം, സാമൂഹിക സേവനങ്ങള്‍ എന്നിവയ്ക്ക് നല്‍കിയ സംഭാവനകള്‍ കണക്കിലെടുത്ത് ഇന്ത്യന്‍ രാഷ്ട്രപതി 12 അംഗങ്ങളെയാണു പാര്‍ലമെന്റിന്റെ ഉപരിസഭയിലേക്ക് നാമനിര്‍ദ്ദേശം ചെയ്യുന്നത്.