ആക്‌സിസ്, ഐഡിബിഐ ബാങ്കുകൾക്ക് ആർബിഐ പിഴ ചുമത്തി

കെവൈസി മാർഗ്ഗനിർദ്ദേശങ്ങളുമായി ബന്ധപ്പെട്ട വിവിധ ലംഘനങ്ങൾക്ക് ആക്സിസ് ബാങ്കിന് 93 ലക്ഷം രൂപ പിഴ ചുമത്തിയതായി റിസർവ് ബാങ്ക് ഓഫ് ഇന്ത്യ അറിയിച്ചു.

ഐഡിബിഐ ബാങ്കിന് റിസർവ്വ് ബാങ്ക് 90 ലക്ഷം രൂപ പിഴ ചുമത്തിയിട്ടുണ്ട്.

ആർബിഐ പുറപ്പെടുവിച്ച ചില നിർദ്ദേശങ്ങൾ പാലിക്കാത്തതിനാണ് ആക്‌സിസ് ബാങ്കിന് 93 ലക്ഷം രൂപ പിഴ ചുമത്തിയതെന്ന് ആർബിഐ പ്രസ്താവനയിൽ പറഞ്ഞു. ബാങ്ക് വായ്പകളിലും അഡ്വാൻസുകളിലും ചില വ്യവസ്ഥകൾ ലംഘിച്ചു. കെ‌വൈ‌സി മാർഗ്ഗനിർദ്ദേശങ്ങൾ, 'സേവിംഗ്സ് ബാങ്ക് അക്കൗണ്ടുകളിൽ മിനിമം ബാലൻസ് സൂക്ഷിക്കാത്തതിന് പിഴ ചുമത്തൽ', തുടങ്ങിയ വ്യവസ്ഥകളും ലംഘിച്ചിട്ടുണ്ടെന്ന് പ്രസ്താവനയിൽ പറയുന്നു

പെനാൽറ്റികൾ റെഗുലേറ്ററി പാലിക്കുന്നതിലെ പോരായ്മകളെ അടിസ്ഥാനമാക്കിയുള്ളതാണെന്നും അവരുടെ ഇടപാടുകാരുമായി അവർ ഏർപ്പെട്ടിരിക്കുന്ന ഏതെങ്കിലും ഇടപാടിന്റെയോ കരാറിന്റെയോ സാധുതയെക്കുറിച്ച് പറയാൻ ഉദ്ദേശിക്കുന്നില്ലെന്നും ആർബിഐ പറഞ്ഞു.