റഷ്യ-യുക്രെയ്‌ൻ യുദ്ധം, കൂപ്പുകുത്തി ഇന്ത്യൻ സൂചികകൾ

​മുംബൈ: യുക്രെയ്‌നെതിരെ റഷ്യ സൈനിക ആക്രമണം ആരംഭിച്ചതിനെത്തുടർന്ന് ആഗോള വിപണിയിൽ കനത്ത വിൽപ്പന സമ്മർദം. ഇതിനെ തുടർന്ന് സെൻസെക്‌സ് വ്യാഴാഴ്ച 2,702.1 പോയിന്റ് ഇടിഞ്ഞ് (4.72%) 54,529.91 ൽ ക്ലോസ് ചെയ്തു. ​നിഫ്റ്റി 815.30 പോയിന്റ്(4.78%) താഴ്ന്ന് 16,247.95 ലാണ് വ്യാപാരം അവസാനിപ്പിച്ചത്.
​
​രണ്ട് സൂചികകളും തുടർച്ചയായ ഏഴാം ദിവസമാണ് വ്യാപാരം നഷ്ടത്തിലവസാനിപ്പിക്കുന്നത്.

സെൻസെക്സ് ചാർട്ടിൽ മികച്ച 30 ഓഹരികളും കനത്ത നഷ്ടം നേരിട്ടു. ഇൻഡസ്ഇൻഡ് ബാങ്ക്, എം ആൻഡ് എം, ബജാജ് ഫിനാൻസ് എന്നിവയൊക്കെ 8 ശതമാനം വരെയാണ് ഇടിവ് നേരിട്ടത്.

​യുക്രെയ്ൻ പ്രതിസന്ധി രൂക്ഷമാകുന്നതിനിടയിൽ ആഗോളതലത്തിൽ ഓഹരികൾ ഇടിയുകയും എണ്ണവില ബാരലിന് 5 ഡോളറിലധികം ഉയരുകയും ചെയ്യുന്നത്. ഇത് ആഗോള സമ്പദ്‌വ്യവസ്ഥയെ തളർത്തുമെന്ന് വിദഗ്ധർ വിശ്വസിക്കുന്നു.
​
യൂറോപ്പിലെയും ഏഷ്യയിലെയും വിപണി സൂചികകൾ 4 ശതമാനം വരെ ഇടിഞ്ഞു. റഷ്യയിൽ നിന്നുള്ള വിതരണം തടസ്സപ്പെടുമെന്ന ആശങ്കയിൽ 2014 ന് ശേഷം ആദ്യമായി ബ്രെന്റ് ക്രൂഡ് ഓയിൽ ബാരലിന് 100 ഡോളറിന് മുകളിൽ കുതിച്ചു.
​
വിൽപ്പന കുതിച്ചുയരുന്നത് തുടരുന്നതിനിടെ വിദേശ സ്ഥാപന നിക്ഷേപകർ ബുധനാഴ്ച ഇന്ത്യൻ വിപണിയിൽ 3,417.16 കോടി രൂപയുടെ ഓഹരികൾ വിറ്റഴിച്ചതായി എക്സ്ചേഞ്ച് ഡാറ്റ കാണിക്കുന്നു.