Login 
പഠിക്കാം & സമ്പാദിക്കാം 
Home
8 Dec 2025 7:04 PM IST
Apple News : ചിലര് ഒഴിയുന്നു, മറ്റുചിലര് വിരമിക്കുന്നു; ആപ്പിള് കടന്നുപോകുന്നത് പരീക്ഷണങ്ങളിലൂടെ?
MyFin Desk
Summary
കമ്പനിയുടെ ഭാവിയെക്കുറിച്ച് ആശങ്കകള് ഉയരുന്നു
ഏറ്റവും സ്ഥിരതയുള്ള സീനിയർ എക്സിക്യൂട്ടീവുകൾ ഒരുകാലത്ത് നയിച്ചിച്ചിരുന്ന ആപ്പിള് , ഇപ്പോള് ഏറ്റവും നാടകീയമായ നേതൃത്വ മാറ്റത്തെ അഭിമുഖീകരിക്കുകയാണ്. നിരവധി മുതിര്ന്ന എക്സിക്യൂട്ടീവുകള് കമ്പനി വിടുന്നതോ വിരമിക്കലോ പ്രഖ്യാപിച്ചത് കമ്പനിയുടെ ഭാവിയെക്കുറിച്ചുള്ള ചില ചർച്ചകൾക്കും വഴി വെച്ചിട്ടുണ്ട്. ചിലര് മറ്റ് കമ്പനികളിലേക്ക് ചേക്കേറുന്നുണ്ട്.
മെഷീന് ലേണിംഗ് ആന്ഡ് എഐ സ്ട്രാറ്റജിയുടെ സീനിയര് വൈസ് പ്രസിഡന്റ് ജോണ് ഗിയാനാന്ഡ്രിയ, ഹ്യൂമന് ഇന്റര്ഫേസ് ഡിസൈന് മേധാവി അലന് ഡൈ, പോളിസി ആന്ഡ് എന്വയോണ്മെന്റല് മേധാവി ലിസ ജാക്സണ് തുടങ്ങിയവര് ആപ്പിള് വിടുന്നവരില് ഉള്പ്പെടുന്നു. എഐ മേഖലയില് മത്സരിക്കാനുള്ള ആപ്പിളിന്റെ കഴിവ് ചോദ്യം ചെയ്യപ്പെടുന്നതിനിടയിലാണ് ഈ പിരിഞ്ഞുപോക്ക് എന്നത് ശ്രദ്ധേയമാണ്.
എഐ സംരംഭങ്ങള് നടപ്പിലാക്കുന്നതില് കമ്പനി നേരിടുന്ന വെല്ലുവിളികളാണ് മാറ്റത്തിന് കാരണമാകുന്നതെന്നാണ് സൂചന.ആപ്പിൾ സിഒഒ ജെഫ് വില്യംസിന്റെ വിടവാങ്ങല് ഈ അനിശ്ചിതത്വത്തിന് ആക്കം കൂട്ടി. ഹാര്ഡ്വെയര് സാങ്കേതികവിദ്യകളുടെ സീനിയര് വൈസ് പ്രസിഡന്റ് ജോണി സ്രൂജി രാജിവെയ്ക്കാനൊരുങ്ങുന്നതായി നേരത്തെ റിപ്പോര്ട്ടുകൾ വന്നിരുന്നു. കമ്പനിയുടെ കസ്റ്റം ചിപ്പുകള് വികസിപ്പിക്കുന്നതില് സ്രൂജിക്ക് ഉള്ള പങ്ക് കണക്കിലെടുക്കുമ്പോള്, ജോണി സ്രൂജി പുറത്തുപോയാല് അത് എഐ മുന്നേറ്റത്തിന് തിരിച്ചടിയായിരിക്കും.
വരുന്നു നേതൃമാറ്റം
നവംബറില് 65 വയസ്സ് തികഞ്ഞ ടിം കുക്ക് സ്ഥാനമൊഴിയുന്ന പദ്ധതികളൊന്നും പ്രഖ്യാപിച്ചിട്ടില്ല. പക്ഷേ കമ്പനി ഒരു നേതൃത്വ പരിവര്ത്തനത്തിന് തയ്യാറെടുക്കുകയാണെന്ന് റിപ്പോര്ട്ടുണ്ട്. ഹാര്ഡ്വെയര് എഞ്ചിനീയറിംഗിന്റെ സീനിയര് വൈസ് പ്രസിഡന്റായ ജോണ് ടെര്നസ്, കുക്കിന്റെ പിന്ഗാമിയാകാന് സാധ്യതയുള്ള ആളാണെന്ന് പരക്കെ കണക്കാക്കപ്പെടുന്നു.അദ്ദേഹത്തിന്റെ ആഴത്തിലുള്ള സ്ഥാപന പരിജ്ഞാനവും അനുഭവപരിചയവും കണക്കിലെടുക്കുമ്പോള്, അടുത്ത വര്ഷം ആദ്യം കമ്പനി പുതിയ സിഇഒയെ പ്രഖ്യാപിക്കാന് സാധ്യതയുണ്ട്, ഇത് ടിം കുക്കിൽ നിന്നുള്ള അധികാര കൈമാറ്റം ശ്രദ്ധേയമാക്കും.
നേതൃത്വ മാറ്റങ്ങള്ക്കിടയിലും, ആപ്പിള് സാമ്പത്തികമായി ശക്തമാണ്. 4 ട്രില്യണ് ഡോളറിലധികം വിപണി മൂല്യം. കമ്പനിയുടെ മൂല്യവും ബ്രാന്ഡ് വിശ്വാസ്യതയും നേതൃ മാറ്റത്തിൻ്റെ ആഘാതം ലഘൂകരിക്കുമെങ്കിലും എഐയിലെ മുന്നേറ്റമുൾപ്പെടെ പല ഘടകങ്ങൾ ആപ്പിളിൻ്റെ ഭാവിക്ക് നിർണായകമാകും.