Login 
പഠിക്കാം & സമ്പാദിക്കാം 
Home
4 Aug 2025 9:43 AM IST
Summary
ഐഫോണ്‍ വില്‍പ്പന കുതിച്ചുയരുന്നതായും കണക്കുകള്‍
ഇന്ത്യയില്‍ കൂടുതല്‍ ആപ്പിള്‍ സ്റ്റോറുകള്‍ വരുന്നു. ഐഫോണ്‍ വില്‍പന വര്‍ധിച്ചതായും റിപ്പോര്‍ട്ട്. ഐഫോണ്‍ വില്‍പന വര്‍ധിച്ചതോടെ ഇന്ത്യയില്‍ കൂടുതല്‍ സ്റ്റോറുകള്‍ തുറക്കാനൊരുങ്ങുകയാണ് ആപ്പിള്‍. ഈ വര്‍ഷം അവസാനത്തോടെ ഇന്ത്യയില്‍ പുതിയ ആപ്പിള്‍ സ്റ്റോറുകള്‍ തുറക്കുമെന്ന് സിഇഒ ടിം കുക്ക് വെളിപ്പെടുത്തി. വരാനിരിക്കുന്ന ആപ്പിള്‍ സ്റ്റോറുകളുടെ ലൊക്കേഷനുകള്‍ ആപ്പിള്‍ സ്ഥിരീകരിച്ചിട്ടില്ല.
മുംബൈയിലെ സ്‌കൈ സിറ്റി മാള്‍. ബെംഗളൂരുവിലെ ഫീനിക്സ് മാള്‍ ഓഫ് ഏഷ്യ, പൂനെയിലെ കോപ മാള്‍, നോയിഡയിലെ ഡിഎല്‍എഫ് മാള്‍ എന്നിവിടങ്ങളില്‍ പുതിയ ആപ്പിള്‍ സ്റ്റോറുകള്‍ തുറക്കുമെന്ന് സൂചനയുണ്ട്. ദക്ഷിണേന്ത്യയില്‍ മറ്റെവിടെയെങ്കിലും പുതിയ ആപ്പിള്‍ സ്റ്റോര്‍ വരുമോയെന്ന് വ്യക്തമല്ല.
ഇന്ത്യയില്‍ ഐഫോണുകള്‍ക്ക് വലിയ വില്‍പനയാണ് ഇപ്പോള്‍ ദൃശ്യമാകുന്നത്. ഫിസിക്കല്‍ സ്റ്റോറുകള്‍ ആപ്പിളിന്റെ ഐഫോണുകള്‍, ഐപാഡുകള്‍, മാക്കുകള്‍, ആപ്പിള്‍ വാച്ചുകള്‍ എല്ലാം പ്രദര്‍ശിപ്പിക്കുന്ന ഇടമാകും. ഇന്ത്യക്ക് പുറമെ ഗള്‍ഫ് രാജ്യങ്ങളിലും കൂടുതല്‍ സ്റ്റോറുകള്‍ തുറന്നേക്കും.